Xixón inaugura’l so cine “premium”

Xixón inaugura’l so cine “premium”
29 08:42 2021 Imprimir

Xixón vieno acabante inaugurar so cine “premium” con asientos reclinables con cargador USB, soníu envolvente y serviciu de coctelería .Les entraes pa les nueves sales, consideraes “les más segures d’España”, tienen un preciu de 7,50 euros ente selmana y 8,70 les fines de selmana y festivos.

Xixón cunta dende esti xueves pasáu con un nuevu cine na ciudá que, amás, según los sos propietarios, ye, lo que ye güei y nestos momentos de pandemia, “el más seguru d’España”, pola disposición y separación de los sos asientos especialmente. Asina lo resaltó, mientres la inauguración de los cines, Gabriel Tellez, el director xeneral de Desenvolvimientu de Ocine, quien destacó que ye’l primer cine ‘Premium’ que faen n’Asturies.

El cine lleva, según palabres de Gabriel Tellez, la esperiencia cinematográfica “a otru nivel” y con una estética cuidada, dende un grafiti pintáu a mano, alegóricu a escenes de películes a una recreación de la isla de Manhattan nel techu de la sala d’entrada, destacando los espacios más míticos.

Amás, ufiértense combinaos con nomes alegóricos a películes y el espectadores van poder tomase hasta un gin tonic. De les nueve sales, trés d’elles tán dotaes con soníu Dolby Atmos, un soníu atmósfera creáu al traviés d’un sistema que dexa que cada altavoz emita soníos distintos y simultáneos.

Los asientos, amás, son butaques totalmente reclinables y cunten con un cargador USB pa recargar el móvil. Amás d’espaciosos, ente files hai xuna separación de dos metros, dexando caltener más les distancies. Tou ello por que el espectador tenga la esperiencia de ver el cine como si tuviera en casa. “El veceru va sentise muncho más cómodu y seguro”, sostuvo Tellez.

Antes de la inauguración, el responsable de la cadena Ocine, Esteve Agustí, destacó que van ufiertar la máxima esperiencia en cine pal espectador, basáu nel confort de la butaca, la tecnoloxía, colos últimos equipos de proyección láser y trés d’elles con soníu Atmos de la casa Dolby, y la decoración d’espacios comunes y hall. Tou ello va faer en xunto que la esperiencia del cine sía “muncho meyor”.

  Categories: