Portada Sociedá Xixón Impulsa 10 proyectos por crowdfunding

Xixón Impulsa 10 proyectos por crowdfunding

by redacción asturnews
Foto: Rocío Lara (https://www.flickr.com/photos/analogica/)

Dende el, 22 d’agostu y hasta el 2 d’ochobre puedes presentar el to proyectu a la plataforma de crowdfunding que Xixón Impulsa y Verkami ponen en marcha pa financiar proyectos culturales y/o creativos o d’economía colaborativa nel sector TIC.

Xixón ImpulsaCrowdfunding busca 10 proyectos innovadores pa ser co-financiaos por aciu’l crowdfunding. Cada vez son más los proyectos que busquen el so financiamientu pela vía del crowdfunding. Nesta ocasión el Conceyu de Xixón al traviés de XIXÓN IMPULSA y en collaboración cola plataforma Verkami, llanza güei Xixón ImpulsaCrowdfunding.

Quieren impulsar proyectos entamadores que potencien el texíu creativo de Xixón implicando a la ciudadanía, convirtiendo a cada ciudadanu/a en mecenes de la to idea. Con Xixón ImpulsaCrowdfunding el financiamientu de los proyectos va ser frutu de la combinación del sofitu institucional y el crowdfunding.

¿Qué ye’l crowdfunding?

El crowdfunding o financiamientu colectivu consiste nuna convocatoria abierta a la ciudadanía al traviés d’internet na que los proyectos reciben financiamientu por aciu una contribución monetaria en cuenta de apurrir un pagu físicu o esperiencia a los sos mecenes. Nesta convocatoria plantégase una fórmula mista basada nuna campaña de crowdfunding + una aportación de XIXÓN IMPULSA d’hasta 2.000€ por proyectu.

 

Tamién te podria gustar