Portada Sociedá Xixón Impacta presenta la so acción Toos al Parque

Xixón Impacta presenta la so acción Toos al Parque

by redacción asturnews

Dientro del proyectu Xixón Impacta, financiáu por Impulsa, FOLIE Asturies entama una xornada de puertes abiertes na Milla de la Conocencia, p’averalo a la sociedá xixonesa, que va ser esti miércoles, 16 de Mayu de 2018 a les 16 hores.

Toos al Parque ye una acción de divulgación, visibilización y puertes abiertes qu’avera a la ciudá la redolada empresarial de la mesma, onde va visitase a 3 empreses instalaes nesta redolada:

Si yes una empresa allugada na Milla de la Conocencia, aprovecha esta esperiencia y tráite a un familiar o amigu/a que quiera conocer el trabayu que faen estes empreses. Al rematar la visita va haber un merienda y vamos premiar a los familiares que participen na grabación d’un vídeu onde nos cunten la so esperiencia y esplíquennos lo qu’aprendieron.

El programa completu que ta previstu ye’l siguiente:

16:00H. Bienvenida. Edificiu Impulsa. Open Café. Ver situación.

Dende equí vamos coyer un autobús que nos llevará al restu de destinos de la xornada.

16:30H. Visita a MBA SURGICAL EMPOWERMENT.

Introducción de la hestoria de la compañía y de la hestoria del edificiu nel qu’agora s’atopa la see central. Esplicación de productos. Visita a les zones d’interés del edificiu: Open Space, Xardín d’Iviernu, Muséu, Almacén Central.

17:15H. Visita a Adaro Tecnoloxía.

Proyección de video corporativu. Esplicación de productos. Visita al taller.

17:45H. Visita a Fundación CTIC.

Introducción de CTIC Centru Tecnolóxicu. Esplicación de les tecnoloxíes de vanguardia y les sos aplicaciones innovadores. Interacción de los participantes nel espaciu demostrador (realidá aumentada, realidá virtual, soluciones y-Health, etc.).

19:00H. Merienda nel Atriu del Edificiu Asturies.

Fin de la xornada.

Tamién te podria gustar