ConceyosSociedá Xixón Fala en 3 desenvuelve la so segunda edición n’Avientu by redacción asturnews 25 de payares, 2019 written by redacción asturnews 25 de payares, 2019 51 El Concursu Xixón Fala en 3 que tan bona aceptación de públicu y de participación tuvo l’añu pasáu vieno acabante de ser convocáu otra vuelta pola El concursu Xixón Fala en 3 va consistir otra vuelta nuna competición, n’asturianu dafechu, onde se va presentar un tema, una idega, una investigación, un proyeutu, un problema social, etc. con munchu procuru y cola mayor calidá llingüística posible énte un públicu non especializao, xeneralista y variao. Van poder presentase a esti concursu persones mayores d’edá (nos apartaos A y B) y persones d’ente 14 y 18 años (nel apartáu C), con esplicaciones comunicatives curties d’estremáu calter y que respuendan al enfotu del concursu. Los temes a tratar nel concursu van tener un rexistru cultu o académicu. Esti concursu ofrez a la ciudadanía una ocasión única pa perfeicionar les sos aptitúes de comunicación n’asturianu, pa emplegar l’asturianu en cualesquier estaya y rexistru y pa participar nun eventu col que van algamase cotes altes de prestixu y normalización en tola comunidá asturfalante. No que cinca al públicu, ye una perbona manera d’abrir mires y d’averase a un conocimientu, anque seya esbozáu, de temes mui estremaos. Los temes que se van presentar divídense en tres estayes: A. Temes venceyaos a la cultura y la realidá asturiana (por exemplu: antropoloxía, toponimia, baille, historia, sociollingüística, reconversión industrial, nueves formes de turismu y perspeutives de futuru, etc.). B. Temes de divulgación, non venceyaos únicamente a Asturies (por exemplu: vida intelixente n’otros planetes, homeopatía y pseudociencia, crianza con apegu, enerxíes renovables y cambiu climáticu, etc.). C. La mocedá fala en 3: apartáu nel que les persones de 14 a 18 años (dambos incluyíos) pueden presentar temes tanto de cultura y realidá asturiana como de divulgación. L’actu públicu de presentación de los temes va ser el sábadu 14 d’avientu nel Salón d’Actos del Centru de Cultura Antiguu Institutu (C/Xovellanos, 21), a les 11.00 hores. El plazu de presentación de solicitúes pa participar nel concursu remata’l 5 d’avientu de 2019. Puedes consultar les bases nesti enllaz. 0 FacebookTwitterPinterestEmail Anterior Uviéu celebra’l Día de la Ciudá Educadora siguiente La Ruta de los Vinos acueye les I Xornaes de Faba IGP Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU