ComunicaciónConceyosEducación Xixón entama’l Premiu Fierro Botas a la meyor idea normalizadora ente los escolinos by redacción asturnews 25 de payares, 2017 written by redacción asturnews 25 de payares, 2017 44 La Conceyalía d’Educación y Cultura del Conceyu de Xixón vieno acabante entamarel Primer Premiu Fierro Botas a la meyor idea normalizadora ente los escolinos del conceyu que tean matriculaos n’asturianu en Secundaria y/o Bachilleratu. La Conceyalía d’Educación y Cultura del Conceyu de Xixón -pente medies de la Oficina de Normalización Llingüística-, nel so enfotu por facer alcordanza de la figura del xesuita y profesor Don Federico González-Fierro Botas y de la so querencia pola nuestra llingua y la so normalización social, convoca la primer edición del “PREMIU FIERRO BOTAS A LA MEYOR IDEA NORMALIZADORA”. Trátase d’agasayar y recordar la figura de Fierro Botas al empar que se venceya cola mocedá a la que tanto quixo y cola que se rellacionó de siguío nos sos años como enseñante. Esti premiu ta empobináu al alumnáu d’asturianu de Secundaria y Bachilleratu de los centros educativos de Xixón, col envís de favorecer el so protagonismu y la so reflexón ya implicación nel procesu de normalización llingüística. Va premiase’l diseñu d’una campaña normalizadora que desenvuelva una iniciativa orixinal pa favorecer l’usu y la visibilidá del asturianu nel nuestru conceyu. El plazu de presentación d’idees entama’l próximu 4 d’avientu y remata’l 30 d’abril de 2018. Van poder presentase a esti premiu los centros educativos que tengan alumnáu matriculao n’asturianu en Secundaria y/o Bachilleratu. Cada centru va poder presentar un máximu de cinco proyectos y va premiase’l diseñu d’una campaña normalizadora que desenvuelva una iniciativa orixinal col oxetivu de favorecer l’usu y la visibilidá del asturianu en Xixón.Les propuestes que se presenten han tar desarrollaes dafechu n’asturianu y han ser factibles, polo qu’han dir acompañaes d’un proyectu d’un máximu de 5 fueyes (impreses a una cara en formatu Times New Roman 12) nes que tienen d’incluyise, a lo menos, los aspectos que vienen darréu: Descripción de la idea normalizadora Sector de población o persones a les que s’empobina·Oxetivos·Motivación ya incidencia social de la idea normalizadora Actividá o actividaes a desendolcar Temporalización y localización Van poder aportase los documentos que se consideren afayadizos pa la comprensión y concreción del proyectu (semeyes, planos, videos, cantares, etc). Si estos documentos foren audiovisuales, axuntaránse nun 0 FacebookTwitterPinterestEmail Anterior L’Informe PISA dexa afitao que non se-yos dan siempre les ciencies meyor a los homes siguiente Los Derechos Sociales de la UE foron roblaos y proclamaos esti mes Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...