Xixón entama tramitar l’abonu de l’ayuda a la beca comedor

El Conceyu de Xixón, al traviés de la Fundación Municipal de Servicios Sociales, va empezar güei la tramitación de l’ayuda estraordinaria de 120 euros que van recibir tolos neños y neñes que cunten con beca comedor esti cursu 2019/2020, por que les families puedan faer frente a los gastos d’alimentación de los y les menores mientres esta situación.

La comunicación va realizase al traviés de la unviada d’un mensaxe al teléfonu móvil, nel que se va echar voz de a les families la concesión d’esta ayuda y onde van atopar l’enllaz a un formulariu que tendrán de rellenar colos datos de la persona que nel so momentu solicitó la beca comedor. Una vegada rellenáu, el mensaxe tien d’unviase, pola mesma vía, a la Fundación por que se-yos pueda efectuar l’abonu.

El personal de la Fundación de Servicios Sociales va llamar a aquelles families que nun tengan teléfonu móvil para percanciar los sos datos bancarios y poder fae-yos asina l’abonu de l’ayuda.

La concejala de Bienestar Social y Derechos, Natalia González, esplicó que foi necesariu articular un procedimientu nuevu para l’abonu d’estes ayudes, una y bones la Fundación de Servicios Sociales yera la qu’abonaba directamente’l costu del comedor a la empresa qu’empresta esti serviciu, y pollo nun se cuntaba colos datos bancarios de les families. Nesti casu, señaló, tratar d’articular un procedimientu que combinara l’axilidá nel pagu, cola seguridá y la protección de datos de les families.

El pagu fadrá efectivu una vegada recibíos los formularios rellenaos colos datos solicitaos.