Portada Política Xixón da un pasu más na dirección del Gobiernu Abiertu

Xixón da un pasu más na dirección del Gobiernu Abiertu

by redacción asturnews

Un pasu más na estratexa de gobiernu abiertu ye la puesta en marcha de la plataforma pa la Participación Ciudadana, cola que se quier algamar que la ciudadanía seya parte activa en tomar de decisiones y propuestes de los proyectos estratéxicos de Xixón.

Al pie de les plataformes http://observa.gijon.es, que facilita la conocencia, analís y valoración, en tiempu real, de la xestión de la ciudá y de l’actividá municipal y la plataforma http://cuida.gijon.es qu’ufierta a la ciudadanía la posibilidá de collaborar, viviegamente, nel caltenimientu y curiáu de la so ciudá, incorpórase agora una nueva plataforma de Participación Ciudadana http://participa.gijon.es qu’ufierta a la ciudadanía de Xixón un calce, senciellu y flexible, de participación y opinión en toes aquelles iniciatives (planes, ordenances, estratexes, etc.) del so interés. Asina lo asoleya l’Ayuntamientu que diera esti día a conocer la nueva plafatorma.

Esta nueva plataforma facilita la participación al traviés de cualquier dispositivu con accesu a Internet (ordenador, smartphone, tableta, etc.) y demientres les 24 hores del día dexando que cualquier iniciativa, plan o proyectu someter a procesos abiertos nos que la ciudadanía puede:

Conocer tola información disponible sobre la iniciativa, otar y comentar consultes y propuestes municipales, presentar propuestes, votar y comentar les propuestes presentaes por otros ciudadanos, ya informase d’eventos entamaos en relación con un procesu participativu, son dalgunes de les posibilidaes que va ufiertar

L’accesu a tola información ye públicu polo que nun ye necesario, pa consultar tola información, que la persona tea rexistrada. Si la persona deseya participar tien que rexistrase primeramente.

Con oxetu de llograr unes resultancies fiables en cualquier participación ríquese, pa poder participar, ser mayor d’edá y tar empadronáu/a en Xixón polo que se debe solicitar el rexistru previu na plataforma.

El procesu de rexistru ye bien simple y puede realizase dende distintes canales (presencial, Internet, caxeros ciudadanos, APP). Na páxina inicial de la plataforma (http://participa.gijon.es) ufiértase un enllaz directu a tola información necesaria pa poder rexistrase, conocer les condiciones d’usu, comunicar incidencies.

Tamién te podria gustar