Xixón convoca dos beques pa la Oficina Municipal de la Llingua

by asturnet | septiembre 20, 2006 2:37 am

Xixón ta acabante de convocar dos beques de formaicón especializada pa la traducción al asturianu y el desarrollu d’actividaes de normalización llingüística pa la Oficina Municipal de la Llingua de la Fundación Municipal de Cultura, Educación y Universidá Popular del Ayuntamientu. Ente los llabores a facer na xornada de trabayu de siete hores diaries destaca l’estudiu, planificación y execución de mecanismos de promoción y difusión del asturianu al travies de los servicios públicos.

Pa poder solicitar tales beques, que tienen una dotación económica de 2520 euros caduna, desíxese tener una llicenciatura o diplomatura, amás de la titulación universitaria d’Especialista o Espertu en Filoloxía Asturiana sacada nos últimos cuatro años.

Información completa sobre les beques[1]

Endnotes:
  1. Información completa sobre les beques: http://docs.ayto-gijon.es/Documentos/Subvenciones/2006/Becas/BASES%20CONVOCATORIA%20DOS%20BECAS%20OFICINA%20LLINGUA.pdf

Source URL: http://asturnews.com/xixon-convoca-dos-beques-pa-la-oficina-municipal-de-la-llingua/