Xixón concenciase contra’l coronavirus con una campaña anovada

Divertia vieno acabante llanzar una campaña por que les y los mozos de la ciudá y les y los turistes tomen conciencia sobro la importancia de cumplir coles midíes de seguridá pa frenar la pandemia xenerada pol coronavirus COVID-19. Va Durar un mes coles mires de que l’ociu de Xixón sía seguru y responsable.

Va espublizase en distintos medios de comunicación, en cartelería partida por locales d’hostelería, comercios, autobuses, marquesines… y nes distintes redes sociales. Como novedá y pa llegar al públicu oxetivu, ta promocionándose tamién en TikTok y en Spotify.

Ye la primer vegada qu’una institución pública del Principáu d’Asturies utiliza estes dos canales como vía de comunicación.

Spotify ye la vía escoyida por mozos menores de 45 años pa escuchar música, yá sía de manera privada o en fiestes y celebraciones. Dende esta selmana pasada y hasta el 10 de setiembre, aquellos usuarios de Spotify d’esa franxa d’edá que s’atopen en Xixón van escuchar los mensaxes, nos que se promueve l’ociu responsable y el distanciamientu social, l’usu del xel y del mázcaru. TikTok ye, per otru llau, otra de les aplicaciones más usaes rellacionada colos vídeos, el baille y la música, y nella tamién se van incluyir vídeos propios de la campaña y anuncios.