Xixón celebra esta nueche San Xuan cola foguera en Poniente y l’actuación d’Anabel Santiago

23 xunu 10:17 2008 Imprimir

Xixón celebra güei les fiestes de San Xuan con dellos actos que van desenrrollase a lo llargo de tol día na villa de Xovellanos. A les nueve la nueche, va facese’l tradicional enramáu de la fonte de Pelayo, na Plaza’l Marqués, a les diez van celebrase dos pasacais, unu de la Banda de Gaites “Villa de Xixón” y otru de “Noega”. A les once la nueche y na Playa de Poniente, va ser el momentu más importante del día, cuando se prendan les más de cincuenta tonelaes de la Foguera y se pueda disfrutar de l’actuación d’Anabel Santiago.

L’enramáu de la fonte de Pelayo va tar a cargu d’Andecha de Cultura Tradicional na Señardá. Los pasacais van salir dende la plaza Mayor, llegando hasta la playa de Poniente pela cai de Rodríguez Sampedro, nel casu de la banda “Villa de Xixón” y dende la plaza del Seis d’Agostu desplazándose tamién hasta Poniente, nel casu de Noega.

Alredor de la foguera, los xixoneses van baillar la danza prima embaxo un espectáculu pirotécnicu y darréu de la mesma, va siguir sonando la voz d’Anabel Santiago, que va dar fin a la nueche de pasu al branu na ciudá de Xixón.

  Categories:
Loading Facebook Comments ...