Sociedá Xixón aspira a fondos europeos Nex Generation pal proyectu “Xixón Ecoresiliente” by redacción asturnews 12 de xineru, 2022 written by redacción asturnews 12 de xineru, 2022 2,5K L’Alcaldesa de Xixón, Ana González, presentó’l, vienres 30 d’avientu, el Proyectu “Xixón Ecoresiliente”, que’l Conceyu va presentar a la convocatoria de subvenciones para la renaturalización y resiliencia de les ciudaes convocada pola Fundación Biodiversidá nel marcu del Plan de Recuperación, Tresformamientu y Resiliencia y de les ayudes europees Next Generation. El proyectu, presupuestáu en 4,2 millones d’euros, aspira a recibir unu financiamientu del 95% de la so cuantía. “Xixón Resiliente” ye un proyectu que busca amontar la resiliencia urbana de la ciudá frente al cambéu climáticu y ameyorar la so diversidá y servicios ecosistémicos al traviés d’una restauración ecolóxica colaborativa ya innovadora. Articúlase como un proyectu integral para la renaturalización d’espacios y la meyora de la conectividad de los hábitats natural y urbanu, que favorez la biodiversidá y la permeabilidá urbana, que contribúi al desenvolvimientu de la vida vexetal, amonta la eficiencia del ciclu de l’agua y llinda l’impactu de los hinchentes. Coordináu pol Serviciu de Parques y Xardinos municipal, el Xardín Botánicu Atlánticu, “Xixón Ecoresiliente” implica a dellos servicios municipales ya instituciones y entidaes científiques. Asina, cuntó na so agrupación de desenvolvimientu cola Axencia Estatal del Conseyu Cimeru d’Investigación Científica (CSIC) al traviés del Institutu de Ciencia y Tecnoloxía del Carbonu (INCAR), y l’Universidá d’Uviéu, al traviés de la Área de Producción Vexetal y del Grupu d’Investigación Consolidáu REWILDING, integráu nel Institutu Mistu de Biodiversidá. Como collaboradores esternos, participaron na so ellaboración el Consorciu para la Xestión de Borrafes (COGERSA), les empreses municipales EMULSA y EMA, les asociaciones vecinales de La Calzada, Moreda y Viesques y 11 centros educativos d’esos mesmos barrios. Les acciones qu’entiende’l proyectu son: Creación de tecnosuelos para la xardinería rexenerativa. Implantación del Sistema Estocolmo, que favorez infraestucturas verdes para la renaturalización, la permeabilidá urbana y la medría de la diversidá, ameyorando la crecedera y la vida del arboláu urbano. Creación de xardinos d’agua, infraestructures verdes qu’aprovechen directamente l’agua d’agua y el baldéu para la renaturalización, permeabilidá urbana y medría de la biodiversidá. Habilitación de depósitos d’almacenamientu que van aprovechar directamente l’agua d’agua, evitando’l tránsitu d’agua a zones sensibles a los hinchentes y acumuladura d’agua. Restauración ecolóxica del sistema hidráulicu de les llagunes del parque d’Isabel La Católica a partir de la so conexón cola Canal del Molín. Creación de microconectores ambientales, corredores que van interconectar espacios verdes como Los Periconos y el Parque Fluvial. Plantíu de minibosques cola participación activa d’escolares y ciudadanos. Les acciones van desenvolvese en trés zones: la cuenca urbana de la Cai Brasil, onde se producen importantes hinchentes, la zona urbana de la cuenca del ríu Pilón en Moreda y la zona urbana de la cuenca de la canal del Molín en Viesques zones constituyíes, pela cueta per espacios bien pocu permeables. 0 FacebookTwitterPinterestEmail Anterior Taller de Hip hop palos martes de xineru y febreru en Xixón siguiente El Muséu de la Hestoria Urbana d’Avilés recupera visitantes: 11.472 en 2021 Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...