ConceyosEducaciónSociedá Xixón aprueba’l plan de normalización ensin consensu by redacción asturnews 10 de marzu, 2016 written by redacción asturnews 10 de marzu, 2016 90 La unanimidá algamada nel Conseyu Asesor y que presentó al plenu la plenu la conceyala d’Educación y Cultura, Montserrat López,, nun se pudo algamar y el PP abstúivose na votación del Plan de Normalización del asturianu de Xixón. La conceyala d’Educación y Cultura, Montserrat López, llevó al Plenu del miércoles la propuesta d’aprobación del Plan de Normalización Llingüística de Xixón, un proyectu que nacía del consensu social y políticu. Namái’l PP se desmarcó de la votación favorable pa optar pola astención. “Que naide tea obligáu a usar o aprender l’asturianu pero que naide tea impidíu pa espresase nesa llingua”, destacó la conceyala forista como oxetivu final d’esti plan. Foro plantegó la defensa de la llingua como “patrimoniu cultural de tolos asturianos y españoles” y reivindicó la erradicación d’elementos discriminatorios nel so usu. El nuevu plan establez midíes estratéxiques pa fomentar l’asturianu en cinco campo: alministración, educación, sectores económicos, sectores culturales y deportivos, y los medios de comunicación. El Conceyu va asumir esi procesu de normalización nes sos relaciones tantu internes como colos ciudadanos; amás de promover acciones nel so favor al traviés de toles conceyalíes. “Dacuando con pequenos detalles como’l que se fixo agora al incorporar l’asturianu nos uniformes de el educadores de les escueles infantiles” dixo la conceyala. El PP plantegó que s’abstenía precisamente por nun tar d’alcuerdu col proyectu de llevar la llingua asturiana a les escueles de 0-3 años. El Plan de Normalización Llingüística de Xixón ta conformáu por 68 puntos dividíos en cinco árees, depués de que’l Conseyu Asesor de la Llingua decidiera retirar ún d’ellos por cuestiones téuniques aportaes pola Unión de Comerciantes de Gijón/Xixón. #AsturiesNasturianuescueles 0-3Llei d'Usunormalización socialPlan de normalización 0 FacebookTwitterPinterestEmail Anterior Uviéu acueye dos eventos cimeros a nivel nacional en materia d’innovación siguiente Les músiques tradicionales de Grecia en Xixón Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU