Xixón acueye pela mañana del día 5 a los Reis Magos

Xixón acueye pela mañana del día 5 a los Reis Magos
05 xineru 09:02 2016 Imprimir

Xixón engalanabase esti día pa recibir a los Reis Magos dende les diez y media, con delles recepciones a lo llargo de la mañana, enantes del Desfile tradicional de la Cabalgata.

A les diez y media, los Reis lleguen a la Sablera de Poniente a bordu del so barcu, la Estrella d’Oriente y, de siguío, la comitiva real va movese hasta la Plaza del Marqués, coles sos maxestaes al llombu de los  camellos, como novedá. Pa escontra les 11 va ser el primer contactu de los Reis colos más pequenos na tradicional recepción, y a les 13h, otra recepción nel Conceyu.

El percorríu matutín entama nell Paséu de Poniente, pa percorrer la cai Rodríguez San Pedro y llegar a los Xardinos de la Reina. Y yá pela tarde tendrá llugar la gran cabalgata, con un percorríu de 4,5 kilómetros y más de 1.100 participantes, sos Maxestaes los Reis Magos percuerren dellos barrios de Xixón acompañaos del so séquitu real. La cabalgata de del 2016 ta formada por siete xarrés, nueve bandes de música, 16 exércitos, dellos vehículos, un camión cargáu de xuguetes y dellos animales, como burros, cabres, oveyes, ponis, o carros del país tiraos por mules, toos ellos acompañaos de los sos pastores y cuidadores. Amás de los 3 camellos de los Reis.

La comitiva sale a les 19h del Colexu Begoña, pa percorrer mientres aprosimao dos hores, un llargu trazáu: cai Poeta Ángel González (altor colexu Begoña), Anselmo Solar, Feijoo, Xeneral Suárez Valdés, Avelino González Mallada, Ramón y Cajal, Pablo Iglesias, Castiella, Emilio To, Menéndez Pelayo, Avenida de la Mariña, San Bernardo, Xovellanos, Moros, Munuza, Plaza del Carmen, Felipe Menéndez y Marqués de San Esteban, pa rematar nos Xardinos de la Reina.

  Categories:
Loading Facebook Comments ...