Xixón acueye esta selmana’l XI Alcuentru d’Habaneres y Cantar Marineru

Xixón acueye esta selmana’l XI Alcuentru d’Habaneres y Cantar Marineru
26 setiembre 09:56 2018 Imprimir

El CMI Pumarín Xixón Sur acueye esta selmana’l XI Alcuentru d’Habaneres y Cantar Marineru qu’entama l’Agrupación Coral de Porceyo dende hai once años.

Son yá once los años que se cumplen desque l’Agrupación Coral de Porceyo dio empiezu a los alcuentros corales dedicaos a les habaneres y cantar marineru. Once años nos que pudimos asistir y escuchar a los meyores corales asturianes y un nutríu grupu de voces d’otres rexones d’España xuníes sol mesmu denominador musical.

Nesta ocasión volvemos esfrutar del meyor repertoriu d’habaneres y cantar marineru en cuatro conciertos que seguro que van ser inolvidables:

Día 26 de Setiembre a les 19,30 hores

-ASOCIACIÓN CORAL AVILESINA
-CORU LA FLOR -LA POLA L.LENA
-POLIFÓNICA XIXONESA – “ANSELMO SOLAR”

Día 27 de Setiembre a les 19,30 hores

-CORU SAN JAVIER, – UVIÉU
-CORU SANTA APOLONIA, – PAÑEDA NUEVA DE ANES – SIERO
-ORFEÓN DE MIERES

Día 28 de Setiembre a les 19,30 hores

-CORU SAN FÉLIX, LLUGONES
-CORU MISTU SAN PEDRO, – CUIDEIRU
-CORAL POLIFÓNICA CANGAS

Día 29 de Setiembre a les 19,30 hores

-CORAL EIXIL – CEDEIRA, – A CORUÑA)
-CORU GALEGO SANTA COMBA DE VEIGUE, – A CORUÑA
-AGRUPACIÓN CORAL DE PORCEYO

Coordinador y presentador: Eusebio Ramos

Entrada con invitación gratuita podrán retirase un máximu de dos per persona, nel mostrador d’Información del Centru Municipal Xixón Sur, dende’l día anterior a cada actuación hasta escosar aforu.

  Categories: