Xesús Fernández aporta a lo ‘cimero’ de la so carrera na recepción de Lorient

Xesús Fernández aporta a lo ‘cimero’ de la so carrera na recepción de Lorient
10 agostu 12:32 2018 Imprimir

El meyor son d’una de les meyores gaites moces del país, Xesús Fernández, foi l’homenax que la delegación asturiana ufrió en Lorient a les autoridaes na recepción de la Subprefectura que se cellebra cada xueves primeru d’agostu en Lorient. Y esti añu con sorpresa incluyía al interpretar a la gaita dende lo cimero d’un árbol del Xardín de la Suprefactura.

La casa del subprefectu francés foi como cada añu l’escenariu de les actuaciones coles que cada delegación participante homenaxea a les autoridaes locales, talamente como fai’l llunes al entamar la selmana nel Ayuntamientu de Lorient. Cada país escueye a ún de los sos grupos representantes pa facer esti pequeñu homenaxe y esti añu, el baille foi la escoyeta de los países de siempre, pero esti añu nel casu asturianu, hebo sorpresa de la mán d’una interpretación a la gaita de Xesús Fernández que sorprendió a los presentes na recepción.

Y, n’Asturies, nes redes sociales, como Instagram, entamose darréu un pequeñu ‘challenge’ pa gaiteros tocando enrriba d’un árbol. Son tiempos nuevos… ¿tiempos salvaxes?