Portada Escéniques Xapón trai a España ‘The End’, la ópera d’estética manga

Xapón trai a España ‘The End’, la ópera d’estética manga

by redacción asturnews

Xapón trai a España ‘The End’, la ópera d’estética manga na que la protagonista ye una estrella virtual con estética manga y voz artificial que foi telonera de Lady Gaga.

Una ópera ensin orquesta, ensin escenariu y ensin cuerdes vocales. Ye The End, qu’estrenose esti xueves n’España nes Naves Mataderu de Madrid, y que va ufiertase hasta’l sábadu próximu, con música electrónica producida por ordenador ya imaxes proxectaes en seis pantalles.

Una estrella virtual con estética manga y voz artificial, que foi telonera de Lady Gaga y cuenta con millones de siguidores n’Internet, Hatsune Miku, ye la protagonista d’esti esperimentu xeneráu gracies al software Vocaloid, que trata sobro los problemes de realidá ya ilusión del ser humanu sobro la vida y la muerte.

Col sellu de Keiichiro Shibuya, músicu xaponés fundador de la discográfica ATAK, dedicada a obres electroacústiques de vanguardia; el director d’arte y diseñador gráficu YKBX, y Evala, músicu y artista del soníu electrónicu, esta ópera dixital nun tien precedentes y foi creada en tan solo un añu”.

Shibuya tuvo la idea va diez años, cuando morrió la so muyer, y tuvo l’enfotu de crear una ópera que lu representara a sí mesmu antes de cumplir los 40, integrando la música y los elementos dixitales nos que basó la so carrera. Hatsune Miku -qu’en xaponés significa “primer soníu del futuru- ye la creación dixital protagonista, vistida para “The End” pol exdirector artísticu de Louis Vuitton Marc Jacobs, anque caltien el so físicu propiu del cómic nipón y la so voz d’estrella del pop electrónicu más que de soprano.

Ella, una “mala copia” de sigo mesma y una mascota son los protagonistes qu’apaecen nes pantalles, que creen una especie de cubículo en que’l so interior hai xuna caxa tresllúcida que recuerda un ataúd y dende onde Shibuya interpreta parte de la música. “Ye xuna metáfora de mi mesmu porque nel entemediu hai xuna extrapolación de la mascota conmigo. La mascota ye un componente fundamental porque fai referencia a la importancia de la comunicación. Si ye difícil que dos seres humanos vivos comunicar ente sigo ¿cómo sería falar con una persona finada? Como falar con un animal, diriximos a él anque nun tengamos respuesta”, esplicó’l ceador de “The End”.

Tocantes a la música, destacó que ta compuesta “ensin partitura, ensin preseos, íntegramente por ordenador” y que, gracies a l’aportación visual de YKBX, dexa “espresar al traviés ella daqué más fondu y potente; anque nun haya orquesta, ye daqué más complexu qu’una orquesta”.

Tamién te podria gustar