Xagó protagoniza esti sábadu una llimpieza simbólica

Xagó protagoniza esti sábadu una llimpieza simbólica
14 setiembre 17:16 2018 Imprimir

Esti sábadu día 15 de setiembre a les 16 empecípiase una llimpieza simbólica na sablera de Xagó nel conceyu de Gozón pa visibilizar los alarmantes datos sobro les borrafes qu’hai na naturaleza y convidar a la reflexón sobro la buelga humana nos distintos ecosistemes del planeta y l’impactu que suponen.

Pa ello delles organizaciones ambientales y persones a títulu individual entamen esta xornada de llimpieza dientro del primer añu de la campaña a nivel mundial conocida como Lets Do It, que va cuntar amás cola collaboración del conceyu de Gozón que va recoyer les borrafes.

Amás de realizar la llimpieza, va tratase de tomar datos sobro les distintes borrafes atopaes cola cuenta de percanciar esta información a nivel mundial y que pueda visualizase con datos reales, como afecta esto a la naturaleza.

Ta ellaborándose amás un mapeáu coles zones afectaes pa faer visible esti problema a güeyu na páxina opendata.letsdoitworld.org ya inclusive la xente puede participar añediendo más zones al traviés de l’aplicación pal móvil World Cleanup

Los entamaores de la llimpieza simbólica conviden a tol mundu a participar nesta xornada de voluntariáu ambiental a favor del planeta.

Loading Facebook Comments ...