Portada Cine ‘Wonder Woman 1984’ adelantra’l so estrenu n’España al 16 d’avientu

‘Wonder Woman 1984’ adelantra’l so estrenu n’España al 16 d’avientu

by redacción asturnews

Tres selmanes d’especulación, l’estudiu Warner Bros. confirmó que Wonder Woman 1984 va estrenase en cines el 16 d’avientu n’España y en tolos países nos que nun opera la plataforma HBO Max. presente n’EE.XX. y Canadá. Ente que va llegar el día de Navidá simultáneamente a cines y al traviés de HBO Max a Estaos Xuníos, ensin costu extra pa los sos abonaos.

“Mientres saleamos esta dómina ensin precedentes, tuvimos que ser innovadores a la de caltener los nuesos negocios y siguir sirviendo a los nuesos fans”, dixo nun comunicáu Ann Sarnoff, presidenta y directora executiva de WarnerMedia Studios y Networks Group, qu’inclúi a Warner Bros. Pictures. “Esta ye una película xenial que realmente cobra vida na gran pantalla y, en collaboración colos nuesos socios exhibidores, vamos dar esa opción a el consumidores n’EE.XX. onde los cines tean abiertos”, amestó. Sarnoff reconoció que “munchu consumidores nun pueden tornar a los cines por cuenta de la pandemia”, y que por ello quieren facilitar la opción de ver ‘Wonder Woman 1984’ al traviés de HBO Max, onde va permanecer disponible mientres un mes.

Munchos analistes esperaben que l’estudiu retrasara la fecha d’estrenu de la cinta hasta 2021 (como fixeron la mayoría de les cintes de gran presupuestu, como Viuda Negra; Fast & Furious 9 o Ensin tiempu pa morrer) yá que ye un filme que, en condiciones normales, podría superar los 1.000 millones de dólares en taquilla. Na actualidá, envalórase qu’el 50 per cientu de les sales estadounidenses permanecen cerraes debíu al coronavirus.

Con esti movimientu, l’estudiu espera qu’haya un aumentu nes suscripciones a HBO Max, que cuesta 15 dólares al mes y tien una enorme competencia frente a Netflix, Amazon Prime o Disney+.

Patty Jenkins dirixió la primer entrega de Wonder Woman (2017), un gran fenómenu qu’empericotió a Gal Gadot como estrella mundial y recaldó 822 millones de dólares. Na continuación, prevista orixnalmente pal mes de xunu, Gadot ta acompañada por Chris Pine, Kristen Wiig y Pedro Pascal, ente otros, dientro d’una hestoria que se desenvuelve na década de 1980.

 

Tamién te podria gustar