Portada Música Wilko Johnson va actuar el 29 de xineru nel Centru Niemeyer d’Avilés

Wilko Johnson va actuar el 29 de xineru nel Centru Niemeyer d’Avilés

by asturnet
Wilko Johnson

El veteranu rockeru Wilko Johnson va actuar el 29 de xineru nel Centru Niemeyer d’Avilés, nun conciertu que constitúi’l puntu de partida del ciclu Avilés Arte Sonoro.

L’Auditoriu va acoyer, a les 20, 30 hores d’esi vienres 29, l’actuación del veteranu músicu, ex Dr. Feelgood, unu de los miembros más destacaos del rock británicu nos años 70. El ciclu Avilés Arte Sonoro, programáu pola Conceyalía de Cultura del Conceyu d’Avilés y el Centru Niemeyer, empecipien la collaboración con esti conciertu. Les entraes, al preciu de 25 euros, yá tán a la vienta.

Wilko Johnson ye unu de los músicos más importantes del panorama británicu de los años 70 y 80. Acompañáu de Llee Brilleaux -ente otros músicos- formó parte d’una de les bandes más prestixoses del r&b y pub-rock européu, Dr. Feelgood, siendo númberu unu nes llistes ingleses con dellos de los sos discos. L’artista siguió’l so camín en solitariu tres fuertes desavenencies con Brilleaux, pero eso nun apagó la fuerza y el carisma de Wilko ente tolos sos siguidores.

Wilko Johnson participó na popular serie Xuego de Tronos, onde interpretó’l papel del accidental verdugu Ilyn Payne. “Esfrutar bien de. La verdá ye que sí, tengo esperances de volver participar na serie”, señala’l cantante. La llarga trayectoria musical de Wilko Johnson viose afectada cuando, dempués de grabar el discu Going Back Home al pie de Roger Daltrey -cantante de The Who- diagnostícase-y un cáncer. El roqueru, yá recuperáu, creía qu’esti discu sería’l so últimu trabayu. “Nunca creyí que vería publicáu l’álbum, el mio tiempu escosábase y pensaba qu’aquella grabación sería’l mio postreru trabayo antes de morrer”, cuenta Johnson.

A pesar de l’adversidá, Wilko Johnson pensaba en volver xubir a los escenarios pa faer lo que meyor sabe: ufiertar un gran espectáculu. Siguir dando conciertos y faer coses que lu ilusionen, son los sos propósitos pal futuru. “Pensar en volver actuar tamién me daba muncha fuerza -asegura-. Dir a España, por casu, ye daqué que quiero volver faer munches más vegaes nel futuru, toles que pueda. El públicu español tien una pasión pola música que para mi ye como la meyor medicina”. Aun así, confiesa Johnson, “cualquier conciertu ye agora importante pa mi. Ello ye que agora tou ye especial pa mi”. El preciu de la entrada ye de 25 euros. Les localidaes pal espectáculu pueden adquirise nes recepciones del propiu Centru Niemeyer y de Llaboral Ciudá de la Cultura en Xixón, el teléfonu 902 106 601 y Liberbank-entraes (www.liberbank.es).A3WilkoJohnson-Alta

Tamién te podria gustar