Portada Cine Warner investiga al so presidente por dar papeles en cuenta de sexu

Warner investiga al so presidente por dar papeles en cuenta de sexu

by redacción asturnews
Kevin Tsujihara - Foto: Fortune Brainstorm TECH (https://www.flickr.com/photos/fortunebrainstormtech/)

WarnerMedia, propiedá del xigante de les telecomunicaciones AT&T, ta investigando unos mensaxes qu’acusaríen al presidente y conseyeru delegáu de Warner Bros., Kevin Tsujihara, de que supuestamente prometió papeles en películes en cuenta de sexu, según desveló The Hollywood Reporter.

La publicación aportaría a cientos los mensaxes peneraos ente’l magnate, un par de los sos socios y l’actriz de 21 años Charlotte Kirk, onde se evidenciaría la esistencia d’una relación ente dambos de calter sexual y los presuntos esfuerzos de Tsujihara pa consiguir un papel pa la nueva.

“Sé que tas bien ocupáu, saber, pero cuando tábamos naquel hotel practicando sexu dixístime que me ayudar y cuando m’ignores como faes agora faes que me sienta usada. ¿vas ayudar como dixisti que fadríes?”, escribió Kirk nun mensaxe fecháu’l 3 de marzu de 2015. Tsujihara respondió-y que sentía “que se sintiera d’esa manera” y que xuno de los sos colegues, “Richard” (Brener, presidente de la productora New Line, asegura’l mediu), llamaría-y esa mesma nueche.

Según los mensaxes llograos, dambos habríense conocío per mediu de dos socios, James Packer y Brett Ratner, que favoreceríen l’alcuentru ente la moza y “l’home más importante que puedes conocer” nun hotel del barriu de Bel Air, en Los Ánxeles. D’alcuerdu a The Hollywood Reporter, Kirk foi escoyida pa dos pequenos papeles na producción de 2016 Meyor…solteres y na de 2018 Ocean’s 8, dambes de Warner, anque tamién participó en diverses audiciones pa otros roles.

Los testos revisaos amuesen que col tiempu l’actriz empezó a sentise “nerviosa” por nun consiguir tantos papeles como esperaba, polo que Ratner encargó al so abogáu la redacción d’un alcuerdu que lu aseguraría más castings, según xuna apaición n’una de les películes empobinaes por él; un pactu que nunca se robló.

L’escándalu desamarrase malpenes trés díes depués de qu’a Tsujihara fóra-y encargada la supervisión de la nueva reorganización de la área d’animación de Turner y la d’entretenimientu de Warner Bros., dientro del conglomeráu de Warner Media. Nun ye la primer vegada que se fala d’esti asuntu, yá que en payares de 2017 Tsujihara yá foi cuestionáu pola so relación con esta actriz, qu’él negó y amenació con respuestes xudiciales al respeutu.

Tamién te podria gustar