Vuelven n’Uviéu los programes La Nueche ye de tó y Dolce 17

Vuelven n’Uviéu los programes La Nueche ye de tó y Dolce 17
19 setiembre 20:16 2017 Imprimir

La conceyala de Mocedá, Marisa Ponga y Aránzazu Fernández, Directora de la Área de Prevención de la Fundación CESPA-Proxecto Home presentaron esti llunes la programación de La Nuevhe ye de to, amás de Dolce17 en Navidá y actividaes puntuales lúdicu educatives.

La conceyala de Mocedá, Marisa  Ponga y Aránzazu  Fernández Rodríguez, Directora de la Área de Prevención de la Fundación CESPA-Proxecto Home presentaron esti llunes pela mañana, en rueda de prensa, la II Temporada de La Nueche ye To, Dolce17, Dolce17 de Navidá y les actividaes puntuales lúdicu educatives hasta final d’añu. Ponga aseguró que “el Conceyu d’Uviéu por aciu el conveniu de collaboración suscritu cola Fundación C.Y.S.P.A-Proyectu Home nel que s’enmarquen el Plan Municipal de Drogues y esti Programa, foi una de les alministraciones pioneres en promover actuaciones qu’inclúin la xeneración d’alternatives d’ociu como preséu al traviés del cual impulsar estratexes preventives cola población adolescente y xuvenil d’Uviéu.

La intervención nos espacios de tiempu llibre, al traviés del desenvolvimientu d’actividaes del ociu educativo y saludable, ye unu de los oxetivos estratéxicos de les polítiques sobro drogues nel ámbitu de la prevención de drogodependencias, dada la relación ente consumu de sustances y la diversión y tiempu d’ociu que faen en munchos casos los y les nueves. El Programa nútrese del texíu asociativo al traviés de la participación de diverses asociaciones, federaciones, clubes y fundaciones del Conceyu, encargaes del desenvolvimientu de les actividaes. Pa formar parte del Programa, les entidaes tienen d’allegase a una convocatoria pública añal la cual ta dirixida a entidaes ensin ánimu d’arriquecimientu del Conceyu d’Uviéu. Na convocatoria añal 2017 tán participando 43 entidaes”.

El programa, añedió la edil, “utiliza la estratexa d’intervención comuñal qu’implica dar protagonismu a la participación social, fundamentalmente a la población xuvenil. Esta metodoloxía d’intervención ye yá en si mesma preventiva, pos cuando la mocedá ye capaz d’implicase na organización d’una actividá, comprometese con un grupu, tomar decisiones, resolver conflictos, etc., van adquiriendo responsabilidaes y esperiencies qu’ayuden a fomentar y desenvolver elementos de protección y que los van llevar per caminos distintos al del consumu rutinariu de fin de selmana. Por ello dende la Conceyalía apostaran por una programación d’actividaes d’ociu gratuites mientres les fines de selmana que se van llevar a cabu dende’l 29 de setiembre al 19 de payares, mientres les vacaciones de navidá 26,27,28 y 29 d’avientu, y de forma puntual hasta final d’añu con temátiques diverses sobro promoción de la salú”. Ponga ufiertó datos: “nos proyectos y actividaes puntuales lúdicu educatives a lo llargo d’anguaño participaron 6.723 adolescentes y nueves (3.117 d’homes y 3.606 de muyeres)”.

El presupuestu global del programa pa 2017, destacó la responsable municipal de Mocedá ye de 196.645 euros.

  Categories: