Vuelve’l teatru en primavera pa ‘xente menudo’ y público adultu n’Uviéu

El ciclu Teatru en primavera, un doble ciclu para públicu infantil y adultu,  entama’l próximu día 23 n’Uviéu, col musical infantil “El llibru de la selva. L’aventura de Mowgli” nel Teatru Filarmónica. Les localidaes, pa les funciones del Teatru Campoamor y de la Filarmónica, yá tán a la vienta.

El conceyal de Cultura, Roberto Sánchez Ramos, presentó esta mañana’l Teatru en primavera, un doble ciclu para públicu infantil y adultu, qu’arrinca próximu día 23, col musical infantil “El llibru de la selva. L’aventura de Mowgli” nel teatru Filarmónica. El conceyal tuvo acompañáu por Luis Vigil, “asesor y collaborador nesti programa y n’otros municipales. “Gracies a él por esti trabayu ponderatible y a Nacho pol diseñu, amás d’a el trabayadores de Cultura”, destacó’l conceyal, de la que sorrayó que “esti ciclu ye para tolos públicos, de 3 años al infinitu. Asina, hai teatru para ‘xente menudo’ y para públicu adultu”.

El ciclu pa xente menudo inclúi, ocho obres, toes nel teatru Filarmónica: El llibru de la selva (23 de marzu); La loka hestoria de Frankenstein (30 de marzu); Crake (6 d’abril); La pintora Flora (27 d’abril); Bojiganga (11 de mayu); Playoff (17 de mayu); MiraMiró( 25 de mayu) y El traxe nuevu del Emperador (8 de xunu)

El teatru d’adultos entama’l 29 de marzu con “un gran personaxe”, Lleo Bassi que lleva a escena “El postreru Bufón”. Siguirán-y La Strada (13 d’abril); Rei Lear (20 d’abril); La estraña pareya (3 de mayu); Fedra (18 y 19 de mayu); La Cabiana (31 de mayu) y En esta casa pasen coses (7 de xunu). Sánchez Ramos tamién destacó la participación de Platea, una llínea de subvenciones al teatru, con precios máximos de 12 euros para los más pequenos y dende los 8 euros para adultos, amás de los descuentos yá conocíos de los que dispon la Fundación Municipal de Cultura.

Luis Vigil aseguró que “la programación ye permediada y variada atendiendo a la heteroxeneidá del públicu y na que tienen cabida clásicos, teatru familiar, danza, contemporaneu… propuestes y formatos diversos que prioricen la paridá, la crítica y la diversión”.

Les localidaes tán dende esta selmana a la vienta na taquilla del Teatru Campoamor, de 12:00 a 13:30 h y de 16:00 a 20:00 hores y na taquilla de la Filarmónica, el día de la función dende les 16:00 h. hasta l’entamu del espectácu