Vuelve’l Certame Coral Villa d’Avilés con cinco coros a concursu

Unos 150 coralistas procedentes de País Vascu, Llión, Madrid y Navarra van tar la fin de selmana en la ciudá ufiertando la meyor música coral na XXXVII Edición del Certame Coral Villa d’Avilés que va desenvolvese na Casa de Cultura’l 27 y el 28 de payares.

Vuelve’l Certame Coral Villa d’Avilés a la Casa de Cultura dempués del parón obligáu pola pandemia, como asocedió con múltiples actividaes musicales y culturales. Va Ser los díes sábadu 27 y domingu 28 de payares la esperada cita qu’entama l’Asociación Coral Avilesina en collaboración col Conceyu d’Avilés. El virus nun frenó les ganes de numberoses entidaes que taben deseoses de participar nesti certame que celebra’l so XXXVII edición y que yá ye una fecha señalada nel calendariu para los grupos corales de too el país.

Finalmente van ser cinco los coros que van participar a concursu la última fin de selmana de payares para percorrer  la meyor música coral. El sábadu 27 a les 19:00 hores: Coru “Ángel Barja” de Llión, Coru de Cámara “Aizaga” de Navarra, Gambara Abesbatza y Leioa Kantika Korala de País Vascu, amás del Coru “Voces para la Convivencia”, de Madrid. Y el domingu 28, a les 12:00 va ser la vez de los grupos locales: Grupu de cantar Amigu de Miranda, Agrupación Polifónica Centru Asturianu Avilés, y el Coru Contracanto

El programa del XXXVII Certame Coral Villa d’Avilés foi presentáu esta mañana nel Conceyu d’Avilés pola concejala de Cultura y Promoción de Ciudá, Yolanda Alonso, y polos representantes de l’Asociación Coral Avilesina Fernando Álvarez Balbuena (presidente) y José María Vázquez Gavito.

Según les riegles del certame, el máximu de participación ye de 30 coralistas por coru más el director. Lo que supon que solo nel primer día tean na ciudá un total de 150 coralistas y 5 directores procedentes de fora d’Asturies. El xuráu va tar formáu por José Ángel Émbil, Josu Elberdin, Iván Carriedo , José Herrero y José Manuel  González, y como director técnicu-musical del Certame va tar David Pérez Fernández.

Para asistir al certame tantu para’l sábadu como para’l domingu hai qu’adquirir entraes que’l so preciu ye de 5 euros y van ponese a la vienta na taquilla habitual de la Casa Municipal de Cultura’l sábadu dos hores antes del entamu del mesmu y el domingu tamién dos hores antes.

Ver programa