Vuelve’l CAFCA, el festival más familiar, del 24 al 26 de xunu

Vuelve’l CAFCA, el festival más familiar, que va ufierta n’Uviéu del 24 al 26 de xunu 50 actividaes gratuites en 20 localizaciones de la ciudá.El conceyal de Cultura, José Luis Costillas presentó nuna rueda de prensa la selmana pasada la tercer edición “de la nuesa actividá más familiar, el festival CAFCA.

Les sigles CAFCA signifiquen Cultura, Arte, Familia y Ciudá Abierta, y representen perfectamente lo que se quier consiguir con esta propuesta. Les feches escoyíes para esta edición encaxen, amás, con esti oxetivu, yá que se va celebrar la primer fin de selmana dempués del fin de les clases: “Ente’l 24 y el 26 de xunu, n’Uviéu vamos tener xuna programación con más de 30 espectáculos en 20 localizaciones distintes nes que la ciudá va enllenase de teatru,  acrobacies, instalaciones artístiques, títeres o realidá aumentada, y munches más coses”, sorrayó’l conceyal, que tuvo acompañáu por Jose Castellano, director artísticu d’esti programa.

El CAFCA, puntualizó Costillas, “plantégase como una actividá pa esfrutar  del aire llibre nesta primer fin de selmana de branu, padres, güelos y fíos en familia, con espectáculos que tienen l’aval d’acreditar galardones nacionales nel so haber y que va afayar un Uviéu distintu pa muncha xente. Van tener la oportunidá de conocer los Xardinos de la Rodriga al ritmu de teatru y performance;  de participar nun espectáculu interactivo na antigua see de Banesto, cerrada dende va años; o d’escuchar  música clásica entemecida con maxa na antigua Fábrica d’Armes de La Vega, asina hasta 30 actividaes distintes. Esa ye xuna de los grandores d’esti festival, el poner en valor y dar a conocer espacios desconocíos pa los mesmos uvieinos”. Y especificó: “Esta tercer edición de CAFCA inclúi l’estrenu de trés espectáculos de producción propia: “L’APRENDIZ”, que conxuga música sinfónica y  maxa, con Uviéu Filarmonía y el  magu Miguel Muñoz, el ;  “NA NA NA NA” , que van ufiertar los músicos asturianos Mapi Quintana y Jacobo de Miguel nun paséu pel mundu del cantar d’arrullu y el cantar de trubiecu y “El VIOLÍN MÁXICU”, una adaptación sonora del cuentu del mesmu títulu del escritor y ilustrador alemán Janosch”.

Nel apartáu d’Instalaciones permanentes, CAFCA trai anguaño les propuestes de dos artistes franceses que podrán visitase mientres tola fin de selmana. Nel patiu del Edificiu Históricu de la Universidá, el mural xigante LIVELYYY va introducinos, al traviés de los nuesos dispositivos dixitales, nel mundu de la realidá aumentada. L’antigua see de Banesto, na cai Marqués de Santa Cruz, va acoyer BLOOM, xuna instalación audiovisual interactiva que reacciona al movimientu y los xestos del públicu. Por aciu l’usu de tecnología láser táctil, los participantes son capaces de xenerar  flores dixitales que de la mesma xeneren xuna composición de soníu que camuda según l’acción del usuariu.

Anguaño CAFCA potencia la so propuesta de TALLERES, dáu l’ésitu d’estes actividaes nes ediciones anteriores, p’asina reforzar l’aguada educativo y formativo del festival. Nesta edición van llevar a cabu xuna decena de talleres específicos pa los más pequenos, de disciplines tan interesantes como’l teatru de solombres, l’arquitectura, la pintura, l’urbanismu o’l teatru.

Como nes dos ediciones anteriores de CAFCA, toles actividaes y talleres van ser gratuitos y l’accesu a les actividaes va ser por estrictu orde de llegada hasta completar aforu. Nel casu de los talleres, por cuenta de los sos aforos bien llindaos, va ser necesariu inscribise en www.bit.ly/tallerescafca2022. Les inscripciones yá tán abiertes dende esti pasáu llunes.

El director artísticu, Jose Castellanu, especificó qu’esta tercer edición “intentamos afitar les llínea de los dos anteriores, abrir más a la ciudá. Anguaño’l formatu ye distintu al haber menos restricciones pol Covid. Son actividaes gratuites y participatives non solo pa los neños sinón pa los sos padres o güelos o quien los acompañen. Son casi 50 actividaes (dellos espectáculos tienen dellos pases) y diez talleres”.