Plástiques Vuelve “Un branu con muncho Arte n’Avilés” by redacción asturnews 5 d'agostu, 2021 written by redacción asturnews 5 d'agostu, 2021 2,5K Vuelve “Un branu con muncho Arte n’Avilés” con un taller de pintura y dos espectáculos sobro Maruxa Mallo y Pablo Picasso que van desenvolvese a lo llargo la fin de selmana del 6 al 8 d’agostu. Un añu más la conceyalía de Turismu, en collaboración con Cúntame un Cuadru”, entama l’actividá “Un branu con muncho Arte n’Avilés”, qu’algama yá la so quinta edición. Va facelo con un taller de pintura y dos espectáculos sobro los artistes Maruxa Mallo y Pablo Picasso, que van tener llugar los díes 6, 7 y 8 d’agostu na plaza del Centru Niemeyer, con aforu llindáu. “Un branu con muncho Arte n’Avilés” ye xuna actividá gratuita pa tolos públicos que xira en redol al arte y l’hestoria, y ye yá un clásicu de los branos avilesinos. L’oxetivu ye averar el patrimoniu y la cultura d’una forma distinta, por aciu actividaes con un formatu frescu, dinámicu y cercanu, nes que se dan cita vecines y vecinos d’Avilés y un gran númberu de turistes. La programación d’esti branu ye la siguiente: “Píntame un cuadru”. Vienres 6 d’agostu, 20 hores (20 places, 90 minutos). Nesti taller de pintura, xuna artista profesional va dar instrucciones pa crear una versión bien especial y avilesina de “El berru” de Munch. Nun fai falta tener esperiencia pictórica previa pa participar, solo imaxinación y ganes de prestase. “Trés cantares, trés cuadros: Pablo Picasso”. Sábadu 7 d’agostu, 20 hores (128 places, 70 minutos). Espectáculu divulgativu nel cual a partir de la pintura en vivu y la música afayará la vida y obra de Pablo Picasso. El públicu va viaxar al París de “la bohème”, al traviés d’un gran llenzu que se va dir pintando énte los sos güeyos con trés motivos icónicos de la producción d’esti xeniu de la vanguardia, mientres se van interpretar los cantares qu’escuenden dichos cuadros. “Cuentacuadros: Maruxa Mallo”. Domingo 8 d’agostu, 12:30 hores (128 places, 45 minutos). Espectáculu familiar sobro Maruxa Mallo, artista de la vanguardia española qu’empezó la so formación na Escuela d’Artes y Oficios d’Avilés y que la so primer esposición tamién tuvo llugar na ciudá. Una muyer llibre que protagonizó l’anécdota que dio nome a “Les sinsombrero”, un grupu de muyeres artistes de la xeneración del 27. El públicu infantil va viaxar 100 años tras p’afayar la so hestoria, al traviés de poemes musicados de Federico García Lorca y otres pieces interpretaes en directu con voz, guitarra y trompeta. Al empar, la cara de l’artista va dir tomando forma énte los güeyos del públicu nun llenzu pintáu a tiempu real. Les invitaciones gratuites pa cada actividá pueden recoyese a lo llargo la selmana na taquilla del Centru Niemeyer. van distribuyise por estrictu orde de llegada y tendrán de facilitase los datos de contactu a efectos sanitarios. Debíu al aforu llindáu de cada actividá, cada persona va poder recoyer un máximu de 4 localidaes pa los espectáculos “Trés cantares, trés cuadros: Pablo Picasso” y “Cuentacuadros: Maruxa Mallo”, y 1 sola entrada pal taller de pintura “Píntame un cuadru”. 0 FacebookTwitterPinterestEmail Anterior El sieglu d’Oru vistu por Ramón Gómez de la Serna siguiente Big Daddy Wilson y Shanna Waterstown destaquen nel VI Festival La Grapa Tamién te podria gustar “Nos dominios de trés” homenaxea a la pintora... Avilés reivindica a Trinidad Fernández con mediu centenar... La esposición “Cuerpos albentestate” recueye la creatividá reivindicativa... La Factoría Cultural inaugura Y-LIFE, de Juan Falcón,... La esposición “Dos patries llevo comigo” fai alcordanza... Mieres pon en marcha’l programa de visites al... Una esposición amuesa la evolución de la muyer... Inaugurada la VII Esposición d’Arte Postal n’Avilés, con... El tercer Ciclu d’Ilustración de la Ventana de... Avilés recuerda’l so vertixinosu sieglu XX cola esposición...