Vuelve la Nueche Blanca d’Avilés con cásique un cientu d’actividaes pal 8 de xunu

Vuelve la Nueche Blanca d’Avilés con cásique un cientu d’actividaes pal 8 de xunu
23 mayu 13:13 2018 Imprimir

Vuelve la Nueche Blanca d’Avilés con más de mediu centenar d’actividaes pal 8 de xunu, nuna octava edición que va desenvolvese en 16 espacios distintos y 26 establecimientos d’hostelería.

Cola Factoría Cultural como núcleu vertebrador, les propuestes artístiques van espardese per cais, places, centros culturales, locales d’hostelería y galeríes d’arte. Participen más de 200 ceadores de distintes disciplines artístiques y culturales, a títulu individual y como integrantes de diversos colectivos

La Nueche Blanca y les sos espresiones artístiques multidisciplinares convirtiéronse n’unu de los escaparates d’Avilés y celebra la so octava edición esti próximu 8 de xunu, vienres. Y fadranlo reforzando les sos propuestes, superando’l mediu centenar d’actividaes artístiques, que dende la Factoría Cultural como focu principal, van apoderar por unes intenses hores, dende la tarde hasta bien entrada la nueche, de cais, places, centros culturales y establecimientos privaos nun oxetivu común: averar la cultura, de forma accesible y en tolos ámbitos imaxinables, a la ciudadanía con propuestes para toles edaes.

Participen nel medio centenar d’actividaes programaes anguaño más de 200 artistes y ceadores. A estes actividaes hai qu’añedir les que se celebren nos 26 establecimientos d’hostelería que se suman a esta iniciativa cultural.

Equí pue vese’l programa completu

  Categories: