Vox quier que los padres decidan los “conteníos morales” de les asignatures

«Los valores tresmítense en casa, non nos colexos». Asina de contundente defendieron ayeri dende Vox la implantación del ‘pin parental’ na rexón. Foi nuna rueda de prensa, tres el rexistru telemáticu d’una Proposición Non de Llei que se va aldericar nel plenu de la Xunta del próximu 4 y 5 de febreru.

Tal que recueye la iniciativa presentada, con esta midida los padres tendríen que dar una autorización espresa «sobre cualquier materia, charra, taller o actividá qu’afecte a cuestiones morales socialmente revesoses o sobre la sexualidá que puedan resultar intrusivas pa la conciencia y l’intimidá de los sos fíos».

El diputáu na Xunta Xeneral, Ignacio Blanco, aprofió que la educación «dar por parte de los padres». «Son conteníos que tienen que quedar fora de la escuela porque nun ta pa impartir moral», alvirtió. Coles mesmes, el diputáu de Vox afirmó que «de xacíu que los fíos nun son una propiedá de naide, pero los padres somos los máximos responsables sobre ellos y sobre el futuru de los mesmos». Asina, comparó’l ‘pin parental’ coles claves de bloqueos en ciertes redes sociales, como Facebook o YouTube, «que sí son aceptaos pola esquierda».

La iniciativa que presenta Vox nun va salir alantre, cuidano que nun cunta colos sofitos necesarios por qu’espollete.