ComunicaciónPolíticaSociedá VOX pon en dulda los derechos de la Llei d’usu otra vuelta na Xunta Xeneral by redacción asturnews 14 d'ochobre, 2019 written by redacción asturnews 14 d'ochobre, 2019 52 La celebración esti dia na Xunta Xeneral del Principáu del actu lliterariu que conmemoraba’l Día de el Escritores traxo nuevamente a l’actualidá’l conflictu linguistico que pretenden xenerar sistemáticamente les fuerces d’ultraderecha nel parlamentu asturianu, poniendo en dulda la Llei d’Usu, anguaño vixente, que permite emplegar dafechu l’asturianu en cualaquier situación y llugar. L’usu del asturianu nes instituciones, amparáu pola Llei d’usu de manera clara ya indiscutible, foi puestu en solfa otra vegada pol abandonu de la diputada de VOX Sara Álvarez del Salón Europa onde se desenvolvía la llectura conmemorativa mientres intervenía la vicepresidenta de l’Academia de la Llingua, Marta Mori. La parllamentaria de la formación conservadora esplicó al rematar l’actu que coló de la Xunta porque se taba usando la llingua asturiana nun contestu nel que nun hai cooficialidá: “paeznos que ye sectarismu totalmente, yá que se tán usando unos espacios equí, na Xunta, para dar un calter políticu a un actu claramente institucional», dixo n’una nueva salida de tonu de VOX. Dellos de los participantes escoyeren testos en llingua asturiana na so llectura, ente ellos el mesmu presidente del Principáu, Adrián Barbón, la conseyera Berta Piñán y el rector de la Universidá d’Uviéu, Santiago García Granda, y Álvarez llevantóse “nel momentu en que la vicepresidenta de la Llingua dixo que quería que s’utilizara’l bable en tola Xunta. Siendo un actu institucional nun tenía por qué ser asina”. Referir a les palabres de l’académica Foína Mori antes de lleer un poema de Taresa Lorences, nes que calificó l’actu de “pertinente, xustu y necesariu, porque tovía queda muncho por reivindicar» y espresó el so deséu de que «n’un futuru prósimu podamos usar la llingua en toles situaciones públiques y privaes, mesmamente nesta Xunta del Principaú”. El discutiniu tuvo llugar na celebración na cámara rexonal d’una nueva edición del Día de les Escritores que promueve per cuartu añu la Biblioteca Nacional d’España al pie de la Federación Española de Muyeres Directives, Executives, Profesionales y Empresaries para vindicar la obra y el legáu de les creadores lliteraries. 0 FacebookTwitterPinterestEmail Anterior 2.745 alumnos quedaron ensin plaza en Medicina, qu’esixe una nota de 12,51 siguiente El Conceyu d’Uviéu recibió a la Comisión Permanente del Conseyu de la Mocedá Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...