Visites nocherniegues al campusantu d’Avilés con motivu del Día de Tolos Santos

El campusantu de la Carriona celebra’l tercer aniversariu de la creación del so Centru d’Interpretación (CICLAC), que coincide cola festividá de Tolos Santos, con visites empuestes nocherniegues y diurnes y l’ampliación del so horariu.

El campusantu recibió nestos trés años 12.500 visites y apocayá foi galardonáu con dos premios nacionales. El Centru d’Interpretación del Campusantu de La Carriona (CICLAC) cumple’l so tercer aniversariu coincidiendo cola festividá de Tolos Santos. Abrió les sos puertes en 2012 coles mires de dar a conocer el valor histórico y cultural del campusantu avilesín. Poles sos instalaciones pasaron, dende la so creación, más de 12.500 persones y convirtióse yá nun referente cultural dientro del ricu conxuntu monumental avilesín.

Pa conmemorar esti aniversariu y facilitar l’accesu al centru en feches tan señalaes como les del día de Tolos Santos, la Conceyalía de Cultura del Conceyu d’Avilés entamó una serie d’actividaes:

-Visita empuesta nocherniega’l vienres, 30 d’ochobre, a les 19 hores.

-Visita empuesta diurna’l llunes, 2 de noviembre, a les 11.30 hores.

Les inscripciones pueden formalizase per corréu electrónicu en museodeavilesayto-aviles.es, telefónicamente nos númberos 985 541 939 o 985 565 512 y de forma presencial nel Muséu de la Hestoria Urbana d’Avilés o n’el mesmu Centru d’Interpretación del Campusantu de La Carriona, nos sos horarios habituales d’apertura.

La llende máxima de participantes foi afitáu en 30 places. Toes estes actividaes tienen calter gratuitu.