Visites guiaes al nuevu Espaciu Maqua d’Avilés no postrero de xunetu

Visites guiaes al nuevu Espaciu Maqua d’Avilés no postrero de xunetu
17 xunetu 11:13 2020 Imprimir

Esti xueves entamaba primer visita empobinada a empreses venceyaes a La Curtidora y les dos primeres xornaes yá cunten con toles places reservaes,  ente qu’entá ye posible inscribise pa visitar el 30 de xunetu l’anováu Palaciu. L’históricu edificiu renaz cola vocación de ser l’epicentru del ecosistema innovador d’Avilés.

El rehabilitáu Palaciu de Maqua va celebrar delles xornaes de puertes abiertes los díes 23, 28 y 30 de xunetu. Primeramente, esti xueves 16 de xunetu tuvo llugar una visita empobinada especialmente por que les empreses venceyaes a La Curtidora puedan conocer los servicios y utilidaes del edificiu municipal, qu’adquier la denominación d’Espaciu Maqua: va ser a les 12 hores.

Primeramente solo taben previstes dos xornaes de puertes abiertes al públicu (23 y 28 de xunetu a les 12 y 19:30 hores respectivamente), pero la fuerte demanda llevó a ampliar una xornada más (30 de xunetu a les 12 hores) con inscripción gratuita nel formulariu shorturl.at/fnHKP

El nuevu Espaciu Maqua ye la resultancia de la rehabilitación del Palaciu de Maqua, un edificiu históricu estructurado en cinco llantes (baxu, trés pisos y bufarra) entamaes en redol a un patiu que la so carpintería en forma d’arcos rebaxaos sobro pilastres ta profusamente decorada con temes vexetales n’antepechos y enjutas.

EI bistechu ye de madera con canes moldurados y cornisa de delles files de listeles y taqueados. Los balcones de sillería caliar con arcos rebaxaos y llabráu soqueado oldeen colos miradores volaos de carpintería neogótica. L’actuación sirvió pa devolver la homoxeneidá interior y el llustre a un inmueble de finales del sieglu XIX propiedá municipal.

L’Espaciu Maqua va dar cabida a les primeres actividaes del proyectu de turismu idiomáticu Avilés Enseña, col que la ciudá va enfusar na enseñanza d’español a estranxeros. Coles mesmes, concíbese como un espaciu óptimo pal emprendimiento, la innovación y les nueves tecnoloxíes.

Más información

  Categories: