Victoria Álvarez fala nel Club Xuvenil de Llectura d’Avilés de documentación narrativa

Victoria Álvarez fala nel Club Xuvenil de Llectura d’Avilés de documentación narrativa
25 mayu 09:15 2018 Imprimir

Esti vienres 25 de mayu, a les 19 hores na Sala Allegro del hotel 40 Nuedos d’Avilés, Victoria Álvarez va falar nel Club Xuvenil de Llectura avilesín de los procesos de documentación al escribir una novela.

El Club Xuvenil de Llectura d’Avilés cunta cola presencia d’autores y autores destacaos na cultura xuvenil y yá tien nueva protagonista para celebrar el 25 de mayu, vienres, una nueva xunta. Tratase de Victoria Álvarez, profesora d’Hestoria del Arte y escritora, qu’acaba de publicar la so última novela, Silverville. Na Sala Allegro del Hotel 40 nuedos (C/La Fruta, 9), a les 19 hores, va falar sobro la documentación necesaria pa concebir un trabayu novelísticu, sol epígrafe “Falando del procesu de documentación na construcción d’una novela”.

La salmantina Victoria Álvarez cunta con una impresionante trayectoria, tantu no llaboral, especialista en lliteratura artística y profesora d’Hestoria del Arte, como no lliterario. Les sos noveles consiguieron xuna gran aceptación, tamién ente’l públicu xuvenil, con una triloxía yá rematada, “Dreaming Spires”, y otra en marcha, “Helena Lennox”.

Amás, va presentar el so más recién publicación, “Silverville”, que pue mercase dende’l pasáu abril nes llibreríes. Tratase d’una novela ambientada nel Oeste, “sobro la vengación, los peligros qu’esta corada y les muyeres fuertes decidíes a encaralos”, como ella mesma resume.

Pol Club Xuvenil de Llectura, que consiguió axuntar una asistencia estable, yá pasaron anguaño David Lozano y Sebas Mouret. El Club ta impulsáu pola Conceyalía de Cultura y entamáu pola biblioteca Bárganos Candamo, cola collaboración de l’Asociación Cultural Celsius 232. Nació cola vocación d’estender el vezu de la llectura ente’l públicu xuvenil, consiguiendo la presencia nes sos xuntes de destacaos escritores d’esti ámbitu, y figures rellacionaes col mesmu, en facetes como la divulgación y el periodismu, según con proyección nes redes sociales.

  Categories: