Vicente Sánchez García presenta’l llibru “Cancioneru. Lírica d’ayeri y de güei. 30 nueves canciones d’Asturies”

Vicente Sánchez García presenta esti vienres 11 de xineru, a partir de les 20:00 hores nel Club Prensa Asturiana d’Uviñeu, una nueva obra alredor del patrimoniu musical asturianu. La presentación de la obra, titulada “Cancioneru. Lírica d’ayeri y de güei. 30 nueves canciones d’Asturies”, va cuntar cola asistencia de Felix Ferreiro Currás, Chus Pedro y Jose Antonio Gómez amás del propiu autor que cantará tres pieces de les qu’apaezen nel llibru.

Vicente Sánchez García recueye nesti volumen, editáu por Trabe, trenta cantares nuevos basaos en lletres d’escritores como Tiadoro Cuesta, Pin de Pría, Pepe Campo, Xuan Xose Sánchez Vicente, Enrique García-Rendueles o Mª Elvira Castañón, ente otros.