Portada Educación Vicente Gotor ye’l Rector númberu 191 de la Universidá d’Uviéu col 63’25% de los votos totales

Vicente Gotor ye’l Rector númberu 191 de la Universidá d’Uviéu col 63’25% de los votos totales

by asturnet

“Quiero universitarios llibres, capaces de xenerar nueves idees y d’ufrir alternatives a la sociedá asturiana”. Vicente Gotor, nuevo rector de la de la Universidá d’Uvieu tres ganar la segunda vuelta de les eleiciones zarraba con estes palabres la so intervención tres la xornada de votaciones. Gotor algamó 4.521 votos, lo que suponen el 63,25% de los apoyos. Paz Andres, pela so parte algamó 2.647 votos, el 36,75% del total ponderáu.

El catedráticu de Quimica agradeció a la comunidá universitaria’l buen comportamientu nestes eleiciones y tuve palabres especiales pal so equipu de trabayu de trabayu durante los últimos años, pa los profesores y pal alumnáu. 28.000 miembros d’esta comunidá universitaria, ente Doctores, profesores non doctores, alumnos y personal d’alministración y servicios, taben llamaos a votar nestos comicios.

No que cinca a los resultaos por estayes, nel casu de los Doctores, Gotor consiguió 684 apoyos, el 62’93 de los votos frente a los 403, el 37’07% algamos por Paz Andres. Los profesores y el personal d’investigación apoyaron con un 67’17% de los votos a Gotor (444 votos) y con 217 votos, el 32’83 a la candidata Andres Sáenz. Nel casu de los alumnos Gotor Santamaría consiguió 2.883 votos, el 62’82% y Andres el 37’18%, con un total de 1.706 votos. El personal d’alministración y servicios apoyó tamien mayoritariamente a Gotor, con 510 votos y el 61’37%, frente a los 321 qu’apoyaron a la otra candidata, el 38’63%.

Tamién te podria gustar