Portada Lliteratura Verines abre les sos puertes a América na XXII edición de los alcuentros lliterarios

Verines abre les sos puertes a América na XXII edición de los alcuentros lliterarios

by asturnet

Los alcuentros lliterarios de Verines, dirixíos pol profesor de la Universidá de Salamanca, Luis García Jambrina, van celebrar una nueva edición ente los díes 14 y 15 de setiembre baxo’l lema ‘America desde las dos orillas: suaño, mito, utopía, literatura’. La casona de Quintueles va axuntar a ventidós escritores en diferentes llingües y nacionalidaes. Con presencia per primer añu internacional, ente los convidaos encuentrense Clara Obligado, Juan Carlos Mestre, Luis Sepúlveda, Jon Kortazar y Flavia Company, ente otros.

Nel quintu centenariu de la muerte de Colón, los organizadores del Alcuentru d’Escritores y Críticos de les Lletres Españoles vieron n’America’l tema más afayadizu pa debatir na casona d’indianos de Verines. Asina, per primer vez na hestoria de los alcuentros tán convidaos escritores d’orixe o vinculación hispanoamericana, como Flavia Company, Luis Sepúlveda, Horacio Vázquez Rial, Adolfo García Ortega, Alfredo Conde, Jorge Volpi o Jose María Merino. Nel encuentru tamien va participar l’asturiana Vanessa Gutierrez.

Tres d’esta esperiencia, los organizadores de los alcuentros piensen n’abrir el conceptu de la lliteratura, convidando, más alantre, a otros escritores europeos que puedan arriquecer los debates de Verines.

Tamién te podria gustar