‘Vengadores: Endgame’: una campaña de marketing de más de 200 millones de dólares

‘Vengadores: Endgame’: una campaña de marketing de más de 200 millones de dólares
26 abril 19:40 2019 Imprimir

Ensin dala dulda, Vengadores: Endgame ye una de les películes más esperaes del añu y esti vienres amosolo colos cines d’Asturies y de tol mundu enllenos hasta la bandera, tres d’una campaña de marketing de más de 200 millones de dólares

Con millones de fans de too el mundu aguardando pacientemente a ver el nuevu trabayu de los hermanos Russo, Marvel nun remacarió recursos para tirar la casa pela ventana tocantes a marketing refierse y llanzó una campaña de promoción de les que quiten l’hipu: más de 200 millones de dólares.

Según Deadline, esta cifra de 200 millones ye significativamente más elevada que les campañes pa les anteriores producciones de Marvel. La de Infinity War, ensin dir más allá, tuvo un costu de más de 150 millones de dólares; la promoción de Spider-Man: Homecoming costó 140 millones de dólares ente que Guardianes de la Galaxa Vol. 2 tuvo un marketing de 80 millones de dólares.

“A midida que el nuesu universu espandíase con nuevos personaxes y hestories, tamién lo fixo la nuesa audiencia”, afirma Mindy Hamilton, Vicepresidenta Senior de Marketing en Walt Disney Company. “Crecimos más allá del nuesu públicu oxetivu de fans tradicionales; agora son millenials, adolescentes, multiculturales y families.”

Pero seguro qu’esta inversión histórica va tener el so pagu en taquilla, vista l’ábanu d’almiradores qu’esperaben ver a los protagonistes del filme de superhéroes esti pasáu llunes na première en Los Ánxeles y viendo lo qu’asocediere esti vienres nos primeros pases del estrenu. ¿Va Arrampuñar Vengadores: Endgame el tronu a la mesmu Avatar como película más taquillera de la hestoria?. Nun va ser fácil, anque tampoco imposible.

  Categories: