Ven a afayar el Xixón de 2040 en Mercaplana

Ven a afayar el Xixón de 2040 en Mercaplana
30 avientu 11:45 2019 Imprimir

Un añu más el Pabellón del Conceyu de Xixón en Mercaplana ta dedicáu al MediuAmbiente. El pabellón ye posible gracies a la unión d’esfuerzos de la Conceyalía de Mediu Ambiente y Movilidá, EMA, EMULSA, el Serviciu de Parques y Xardinos, EMTUSA y l’Acuariu de Xixón.

Nesta ocasión quieren convidar a les neñes y neños que los visiten, y a los sos acompañantes, a un viaxe nel tiempu al Xixón de 2040. El viaxe empecipiar nun autobús de los años 70 que cubría la mítica llínea 10 Pumarín-Somió. Güei ye una pieza de muséu que nos recuerda d’onde venimos y cuanto camín quédanos por percorrer.

L’interior del pabellón estremase en trés zones. La primera d’elles ye un espaciu dedicáu al Acuariu de Xixón, que se xune al nuesu deséu d’un futuru más llimpiu pa los nuesos mares. Nel siguiente espaciu proponemos un xuegu: atopar el camín pa llegar a un Xixón 2040 más verde, sabiendo que solo una ruta ye posible y que nun hai marcha tras. Quien llogren atopar el camín fayadizu, que confiamos sían toes y toos, van poder ver como suañamos que va ser Xixón dientro de 20 años.

Son conscientes de qu’esto ye un xuegu y una ilusión, posiblemente utópica, pero solu con grandes oxetivos llógrase’l progresu. Pa llegar a esi 2040 verde propónse partir de tecnoloxíes yá esistentes, camudando a un modelu enerxéticu 100% anovable basáu nel sol, les marees y el vientu. Tamién ye necesariu camudar a formes de movilidá más saludables y sostenibles y aprovechar al máximu les superficies esistentes pa convertiles en zones verdes que favorecen un aire más llimpio y retienen el mugor del aire. Gracies tamién a los nuesos cambeos nos vezos de consumu los océanos recuperaríense.

  Categories: