Vanessa Gutiérrez imparte un taller poéticu en Grau

Vanessa Gutiérrez imparte un taller poéticu en Grau
07 marzu 14:58 2018 Imprimir

La Conceyalía de Cultura del Conceyu de Grau, en collaboración cola Aula de les Metáfores, vieno acabante entamar un Taller de Creación Poética que col títulu de “Xuegos de Palabres” va desenvolver la poeta Vanessa Gutiérrez.

El taller va impartise nes dependencies de la Casa de Cultura de Grau n’ocho sesiones distribuyíes semanalmente dende’l martes 20 de marzu hasta’l martes 15 de mayu. La inscripción ye de baldre y tendrá de faese de forma presencial na Biblioteca Municipal de Grau o llamando al teléfonu 985754813.

Vanessa Gutiérrez axuntó bona parte de la so obra poética nel volume La quema (2011). y ublicó narraciones como Les palabres que te mando (2006) y La cama (2008), y ensayos como El país del silenciu (2007, en collaboración con Beatriz R. Viado) y El paisaxe nuestru (2016, Premiu “Máximu Fuertes Acevedo” de Ensayu n’Asturianu). La so obra foi incluyida en numberoses antoloxíes y traducida a llingües como’l catalán, el gallegu, l’inglés, el francés, etc. Foi redactora del selmanariu Les Notícies y presentadora de programes de televisión como Pieces. Na actualidá, collabora nel diariu El Comerciu.

  Categories:
Loading Facebook Comments ...