Van anovar la casa d’Ana Frank empobinándolu a les nueves xeneraciones

by redacción asturnews | marzo 8, 2017 8:18 pm

El muséu casa d’Ana Frank en Ámsterdam va ser sometíu a una renovación demientres los dos próximos años, lo que va incluyir l’apertura d’una nueva entrada y un espaciu extra p’actividaes didáctiques destinaes a “les nueves xeneraciones”, anunció güei la mesma institución.

Nun comunicáu, la Fundación Ana Frank, encargada de xestionar el centru, esplicó que l’oxetivu cimeru ye ameyorar el contestu históricu de la casa onde vivía la nueva xudía mientres s’escondía de los nazis mientres la Segunda Guerra Mundial.

Munchos de los visitantes del muséu son mozos menores de 25 años procedentes de países non europeos, que nun suelen conocer fondamente esta parte de la hestoria d’Europa. “Por ello, ye importante que’l muséu afonde nel contestu históricu”, esplicó’l director xeneral de la Casa d’Ana Frank, Ronald Leopold.

Detalló que’l muséu va ufiertar más información sobre lo qu’asocedió demientres la Segunda Guerra Mundial y la persecución de los xudíos, sobre “cómo pudo asoceder esto últimu y qué significáu tien esti acontecimientu” pa la dómina actual.

Source URL: http://asturnews.com/van-anovar-la-casa-dana-frank-empobinandolu-a-les-nueves-xeneraciones/