Valledor denuncia incumplimientu presupuestariu en MediuAmbiente

17 avientu 11:43 2008 Imprimir

El grupu parlamentariu IX-BA-LV dixo güei por boca del so voceru, Francisco Javier García Valledor, nun sentise espeyáu nel presupuestu pa les polítiques mediuambientales “que nun se corresponde col alcuerdu de gobiernu firmáu ente la FSA-PSOE ya IX-BA-LV, nel qu’espresen ambiciosos compromisos mediuambientales”. Pa IX-BA-LV “nun ye razonable que’l proyectu presupuestariu pa 2009 suponga un amenorgamientu del 2,4% en relación al proyectu que’l gobiernu socialista en solitario proponía pa 2008″.

El proyectu rechazáu en 2008 contemplaba 94.395.530 € frente a los 92.123.431 € del proyectu pa 2009.

Por programes l’único que xorrez ye’l de saneamientu y abastecimientu que pasa de 53.431.115 € a 58.400.641 €, y que ye una cuestión obligada pol conveniu de calidá de les agües firmáu col gobiernu del Estáu y que ye cofinanciáu, ye decir “tenemos qu’aportar la cantidá necesaria dende los presupuestos autonómicos para poer recibir la parte de financiación estatal nes inversiones que tán previstes nel plan con carácter plurianual”.

  Categories:
Loading Facebook Comments ...