Portada Escéniques Vaivén Producciones presenta nel Teatru Xovellanos ‘Últimu tren a Treblinka’

Vaivén Producciones presenta nel Teatru Xovellanos ‘Últimu tren a Treblinka’

by redacción asturnews

El Teatru Xovellanos acueye esti domingu, 20 de Xineru a les 20,30 hores la representación del Últimu tren a Treblinka de Vaivén Producciones.

La obra narra la fascinante hestoria de Janusz Kòrczak, doctor y pedagogu xudíu que rexentaba un orfanatu con doscientos neños xudíos nun guetu de Varsovia. Cola collaboración del so indixebrable Stefania Wilczynska, formó naquel orfanatu una verdadera república infantil nel qu’esistíen lleis, reglamentos y hasta un códigu penal.

Los espectadores podrán sentise como unu d’esos doscientos neños. Aposentaos nes sos lliteres o nes meses onde s’axuntaben, l’espectador va reparar les sos rutines, la so organización interna, los sos mieos, les sos allegríes… Va Asistir a unu de los sos xuicios… Y va ser tamién testigu del momentu nel que reciben la más cruel de les noticies: tienen d’abandonar l’orfanatu y dirixise al tren que los va conducir a les cámares de gas construyíes nel campu de concentración de Treblinka.

La obra ye un homenaxe a estes víctimes y una alcordanza a un Jannus Korczak que lluchó hasta la muerte por dignificar la vida de los neños. “Últimu tren a Treblinka” pretende ser una denuncia que señale con deu acusador cómo, inda güei, la mayor parte de les víctimes de los conflictos siguen siendo neños, y la mayor parte de los neños siguen siendo víctimes de los conflictos.

Producida por Vaivén Producciones en collaboración con Donostia 2016 y l’ayuda del Gobiernu Vascu, la obra narra la heroica y tráxica hestoria de Janusz Kòrczak, doctor y pedagogu xudíu que rexentaba un orfanatu con 200 neños nel guetu de Varsovia. Primero que el 5 d’agostu de 1942 los nazis montáren-yos nun tren aldu al campu d’esterminiu de Treblinka, el maestru fundó nel hospiciu una verdadera república infantil”: al pie de los neños, creó una constitución coles sos lleis, reglamentos y tamién un códigu penal.

Vaivén Producciones recrea l’orfanatu que Janusz Korczak dirixía nel guetu de Varsovia, xenerando asina una esperiencia que supera les llendes del teatru.

 

Tamién te podria gustar