Va haber oposiciones d’Educación, anque ye posible que aplácense

Va haber oposiciones d’Educación, anque ye posible que aplácense
24 marzu 19:22 2020 Imprimir

Va Haber oposiciones d’Educación anguaño, tal que taba previstu, anque ye posible que ténganse qu’aplazar. Asina s’esprende de la mesa de negociación celebrada esti llunes ente’l ministeriu y les formaciones sindiciales, cola situación provocada pol coronavirus como tema principal. Esti miércoles tien de tomase una decisión al respeutive.

La mayoría de les comunidaes autónomes convocaren ufiertes d’emplegu públicu p’anguaño. Nel casu d’Asturies trátase de más de 500 places de Secundaria y, en principiu, les pruebes diben empecipiase a finales de xunu, xusto al acabar les clases. La intención, como queda dichu, en caltener la convocatoria, magar delles comunidaes yá espresaron el so interés por aplazales, daqué que posiblemente se determine nuna nueva xunta la próxima selmana. Pero les oposiciones van caltenese, ente otres coses, porque tol mundu paez tener claro que nos próximos exercicios la situación económica nun va dexar grandes convocatories como nestos últimos años.

Los sindicatos pidieron ayeri al ministeriu qu’ufierte la so ayuda a los docentes que tán trabayando agora nel estranxeru pa facilita-yos la vuelta a casa si asina lo deseyen. Tamién solicitaron que les comunidaes qu’entá obliguen a el profesores a allegar a los centros educativos mientres l’estáu d’alerta dexen de faelo. Nun ye’l casu d’Asturies, onde los centros permanecen dafechu cerraos dende’l llunes.

Tolos sindicatos aprovecharon l’alcuentru pa destacar el llabor que tán realizando los docente de too el país nestos momentos complicaos, pa tratar de caltener l’actividá.

  Categories:
Loading Facebook Comments ...