Uviéu ye considerada ciudá pionera en turismu accesible

Uviéu ye una ciudá pionera en turismu accesible. Siquier asina lo constata un trabayu realizáu esta selmana pasada por Miguel Nonay, de www.viajerossinlimite.com, que realizó delles rutes y verificó dende la so siella de ruedes o la so bicicleta afecha l’accesibilidá de les mesmes lo mesmo que de aseos, restoranes, ect…

La resultancia del trabayu, indicó Nonay, “foi fabulosu. Esfruté bien de y constaté qu’Uviéu dexa’l turismu accesible muncho más qu’otres ciudaes más grandes”. Los sos vídeos y los datos recoyíos van pasar a formar parte d’una guía que se va colgar na web del Conceyu d’Uviéu, www.oviedo.es, y nos blogues de viaxes del propiu Nonay.

“Este ye un exemplu más del esfuerzu que tamos faciendo dende la conceyalía de Turismu por qu’Uviéu siga creciendo en materia turístico y calteniendo esi ascensu nel númberu de visitantes, que dende xineru s’amontó nun diez per cientu”, sorrayó’l conceyal Rosón.