ConceyosEducación Uviéu y Telefónica formen a 25 asturianos en llinguaxes de programación by redacción asturnews 15 d'abril, 2019 written by redacción asturnews 15 d'abril, 2019 45 Venti asturianos formáronse nel itinerariu “Desenvuelvo web con Java” nel marcu del programa “Conecta emplegu” de Fundación Telefónica que, xunto col Conceyu d’Uviéu, llevaron a cabu dambes instituciones pa formar en competencies dixitales rellacionaes col perfil dixital más demandáu na rexón, el de Desarrollador web Java. Los alumnos, toos ellos ente 24 y 51 años, proceden nun 68% d’estudios básicos o medios (ESO, Bachilleratu, FP Básica, FP Grau medio) y nun 32% de la enseñanza universitaria. Fueron escoyíos tres un test d’aptitú lóxico-matemática y una entrevista y toos ellos coinciden nel so deséu de reinventase nun campu profesional con tanta demanda anguaño nel mercáu llaboral n’España, siendo’l perfil dixital más demandáu poles empreses españoles. Ello ye que la incorporación llaboral de los alumnos que rematen los cursos de JAVA de “Conecta Emplegu” ye anguaño cimeru al 70%. Tres trés meses de formación, de xineru a abril, en La Corredoria, y como colofón al itinerariu formativu “Desenvuelvo web con Java”, los alumnos presentaron la selmana pasada los sos proyectos nun actu col alcalde d’Uviéu, Wenceslao López y la directora de Telefónica n’Asturies, Paula Beirán, en representación de Fundación Telefónica. La máxima responsable de la compañía nel Principáu destacó que “l’usu del Big Data ta dexando a Fundación Telefónica decidir qué itinerarios formativos impartir en cada ciudá, y nel casu d’Uviéu, al igual que nel restu d’España, el perfil dixital con más demanda ye’l de Desarrollador Java” y añedió “queremos qu’estos itinerarios formativos sían un nexu d’unión ente la demanda real de les empreses y la formación de quien busquen emplegu”. 0 FacebookTwitterPinterestEmail Anterior La música y la danza protagonicen la gala de la Xana, la Xanina y les Dames d’Honor d’El Bollu 2019 siguiente El xuegu en llínea de Pedro Menéndez va tar disponible hasta’l 15 de xunu Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles