Uviéu y la plataforma Imaxina un Bulevar presenten el proyectu pa la entrada pola A-66

Uviéu y la plataforma Imaxina un Bulevar presenten el proyectu pa la entrada pola A-66
30 agostu 09:10 2018 Imprimir

El conceyu d’Uviéu y la plataforma Imaxina un Bulevar presenten el proyectu de tresformamientu de la entrada pola A-66 con una primer fase nel Bulevar de Santuyano que va durar añu y mediu desque s’empecipien les obres, según esplicó esti llunes el conceyal d’Urbanismu, Ignacio del Pandorial.

Esta primer fase entiende la zona del Palaciu de Deportes y el Rubín. El conceyal d’Urbanismu presentó güei llunes el proyectu, acompañáu pola concejala d’Infraestructures, Ana Rivas, y el conceyal d’Interior, Iván Álvarez, amás de representantes de la Plataforma ‘Imaxina un Bulevar’.

Según esplicaron los conceyales, agora los técnicos del Conceyu tán estudiando’l proyectu, cola so primer fase financiada con 5 millones d’euros de Fondos FEDER, pa darréu licitar les obres, que según envaloren van durar ente un añu o añu y medio desque s’empecipien los trabayos. L’equipu de Gobiernu fixo un llamamientu a los partíos de la oposición por que “trabayen viviegamente” nel proyectu. “Qu’abandonen el frente del ‘non'”, pidió’l conceyal de Somos, al igual que los sos compañeros, por considerar que’l proyectu ye “al llargu plazu” y que va tener qu’executase en socesives llexislatures.

El proyectu cunta con trés fases que según la conceyala d’Infraestructures podríen aumentar. Unu de los cambeos incluyíos nel proyectu ye que s’estiende hasta La Monxina y, amás, cuenta con una conexón con Cerdeño. La plataforma Imaxina un Bulevar aseguró que se trata de “un momentu importante ya ilusionante. Tamos énte un proyectu de tresformamientu de l’antigua ‘Y’ que da respuesta satisfactoria y sostenible a la problemática diagnosticada nos talleres participativos. Como plataforma venimos trabayando munchos años nesti proyectu que trescendental pal conxuntu de ciudá y l’área metropolitana central d’Asturies”.

Documentos

Diapositives proxecto (pdf 3,5 MB )

  Categories: