Uviéu y la Cámara de Comerciu ponen en marcha “Impulsa la to Empresa”

Uviéu y la Cámara de Comerciu ponen en marcha “Impulsa La to Empresa”, un nuevu Programa d’Impulsu empresarial, coordináu por un equipu multidisciplinar de persones espertes en distintos ámbitos, coles mires de sofitar a les empreses na definición de nueves estratexes que-yos dexen afaer se a la situación actual y embrivir los efectos negativos de la crisis.

Esta iniciativa, puesta en marcha n’años anteriores con resultancies positives, surde de la collaboración de la Cámara de Comerciu y Conceyu d’Uviéu al traviés del programa de promoción económica Uviéu Entama.

A lo llargo de caúna de les ediciones d’esti programa, van revisase les distintes árees funcionales del negociu: xestión interna, marketing y vientes, normativa fiscal y llegal, finances ya innovación, al traviés d’un diagnósticu de puntos críticos que dexe identificar acciones de meyora. Y too ello va ser recoyíu nun plan estratéxicu dinámicu y cuadru de mandu integral personalizáu para cada unu de les empreses participantes, en función de les sos característiques y necesidaes.

El programa tien una duración de cuatro selmanes con modalidá mista de consultoría individual y tutoríes conxuntes. La participación ye gratuita y les places llindaes.

Más información ya inscripciones equí.