Portada Tecnoloxía Uviéu y el Club Asturianu d’Innovación anueven el so conveniu

Uviéu y el Club Asturianu d’Innovación anueven el so conveniu

by redacción asturnews

Uviéu y el Club Asturianu d’Innovación anueven el so conveniu, dotáu con 64.000 euros, y que va reeditase por sestu añu consecutivu coles mires de fortalecer y siguir impulsando’l programa Uviéu Entama.

El conceyal d’Emplegu, Rubén Rosón, robló esti llunes, col presidente del Club Asturianu d’Innovación, Luis Buznego, un nuevu conveniu añal que, dotáu con 64.00 euros, tien como oxetivu siguir fortaleciendo ya impulsando el programa Uviéu Entama mientres esti 2019. El conceyal empezó la so intervención dando les gracies a tol equipu de INNOVASTURIAS, encabezáu pol so xerente, Patricia García, tamién presente na rueda de prensa, por  ser unu de “les pilastres fundamentales nesti programa singular de dinamización empresarial na capital d’Asturies” que “yá ye tou un ésitu tal que demuestren les cifres”.

Les acciones desenvueltes por INNOVASTURIAS “tienen  una característica fundamental, y ye que xeneren comunidá, yá que el so proyectu va más allá d’eventos puntuales”. Un exemplu d’ello, indicó Buznego, ye la campaña informativo y divulgativo sobro unu de los sos grandes proyectos: la puesta en marcha d’un Centru Maker n’Uviéu, basáu na fabricación en 3D y la corte láser, que va dexar a pequeños artesanos la ellaboración de pequenes series.

Según esplicó Pilar García, a esti Fablab (unu de les pilastres fundamentales del proyectu global a desenvolver mientres esti 2019) sumense otres iniciatives, como la de dar continuidá los Social Hackers, puestos en marcha’l pasáu febreru, que’l so oxetivu ye axuntar n’un mesmu foru a persones con moliciones y esperiencies interdisciplinares pa dar respuesta a problemes y retos sociales. Amás van desenvolvese acciones rellacionaes cola innovación y la salú nel Vivarium de La Corredoria.

Tamién te podria gustar