Portada Cine Uviéu y Clemont-Ferrand refuercen el so hermanamiento al traviés del cine

Uviéu y Clemont-Ferrand refuercen el so hermanamiento al traviés del cine

by redacción asturnews

El conceyal de Cultura, Roberto Sánchez Ramos, asisti al 40º Festival du court métrage de la localidá francesa para cerrar nuevos alcuerdos de collaboración cultural ente dambes ciudaes.

El conceyal de Cultura, Roberto Sánchez Ramos, atopase na ciudá hermana de Clemont-Ferrand invitáu pola organización del so Festival du court métrage, qu’anguaño cumple 40 años y que ye yá un referente européu d’exhibición de los meyores curtios. El certame francés collabora estrechamente cola Selmana del Audiovisual Contemporaneu d’Uviéu (SACU) onde se proyectó una selección de la programación de Clemont-Ferrand dientro de la sección la Sema, dedicada al públicu infantil y xuvenil y que na última edición de SACU rexuntó a 6.500 espectadores.

“La nuesa intención ye pesllar alcuerdos marco permanentes que faciliten la cooperación y l’intercambiu d’esperiencies culturales ente los dos conceyos. La cultura ye un nexu inmeyorable pa rellanzar y revitalizar la conexón ente les dos ciudaes”, señaló Sánchez Ramos. El conceyal de Cultura va permanecer na ciudá francesa hasta’l martes, mientres la so estancia tien previstu entrevistase colos responsables del festival cinematográficu y el del conceyu hermano pa tratar de dar forma a nuevos venceyos de cooperación cultural. El director de SACU y RADAR Pablo de María tamién allega al 40 Festival du court métrage de Clemont-Ferrand, que los sos responsables visitaron Uviéu’l pasáu añu coincidiendo cola celebración de SACU.

Tamién te podria gustar