Portada Conceyos Uviéu y Adeipa anueven el so alcuerdu pal proyectu “Uviéu inclúi”

Uviéu y Adeipa anueven el so alcuerdu pal proyectu “Uviéu inclúi”

by redacción asturnews

El Conceyu y l’Asociación d’Empreses d’Insertamientu del Principáu d’Asturies (Adeipa) suscribieron esti mes un alcuerdu de collaboración por que siga adelantre’l proyectu ‘Uviéu Inclúi’.

La iniciativa pretende contribuyir a la xeneración d’un territoriu más inclusivu al traviés de preseos como son les empreses d’insertamientu y la contratación pública responsable y dar respuesta al retu de la inclusión de les persones en situación o riesgu d’esclusión social dende la xeneración de propuestes amestaes a les empreses del territoriu y los axentes sociales. El conveniu foi suscritu pol conceyal d’Economía, Javier Cuesta; la presidenta de Adeipa, Iris Martín y el secretariu técnicu de Adeipa, Eduardo Méndez. Roblóse per segundu añu.

El proyectu va ser executáu por Adeipa con 75.000 euros de financiamientu municipal. Per un sitiu, va promocionar a les empreses d’insertamientu como preseos que faen posible oportunidaes d’empleabilidá nel mercáu ordinariu a persones en situación de desventaxa o vulnerabilidá social y por otru, va impulsase la reserva de mercáu para empreses d’insertamientu y l’introducción de clauses sociales na contratación pública. El conceyal d’Economía fixo xuna “escelente valoración de Adeipa, pola so capacidá y poles actuaciones que lleva a cabu. Unu de los retos que tenemos que tener como alministración cercana al ciudadanu ye l’empléu, xuna de les prioridaes del nuesu gobiernu. Nesti casu los colectivos más vulnerables han de ser el focu de les polítiques d’empléu”.

Martín especificó qu’esti programa, que yá ye’l segundu añu qu’executamos, tienen como oxetivu xenerar un territoriu inclusivu poniendo’l focu nes persones más vulnerables”.

Según esplicó Méndez, una vegada que remata’l procesu d’acompañamientu establecíu en trés años- nes empreses d’insertamientu, el 70% de les persones llogren el so insertamientu nel mercáu llaboral ordinariu. Anguaño, esti programa ta desenvolviéndose n’Uviéu y Avilés ya inclúi empleos rellacionaos cola xardinería, comedores escolares, reciclaje de borrafes, reformes o rehabilitación de viviendes.

Tamién te podria gustar