Portada Cooperación Uviéu xúnese a la campaña #VenidYa

Uviéu xúnese a la campaña #VenidYa

by redacción asturnews

La capital celebra’l Día Mundial de los Refuxaos sumándose a la campaña qu’esixe al Gobiernu central que cumpla’l compromisu d’acoyer 17.337 refuxaos  primero qu’acabe setiembre.  A día de güei falten por llegar el 92, 5% d’ellos.

Yá s’instaló nel balcón del Conceyu un contador colos díes que falten pa qu’expire el plazu y les persones abellugaes que llegaron a España, que  va actualizase tolos díes, a les 13:30 hores, momentu nel qu’un gaiteru va interpretar la pieza Mediterráneu” de Serrat. El programa d’actividaes completase con una mesa informativa na Plaza del Conceyu, la esposición “Persones que se mueven”, conferencies y la presentación del cómic “El Resquiebru” nel Auditoriu.

La campaña VenidYa, a la que se sumó’l Conceyu d’Uviéu, púnxose  en marcha en febreru coles mires de “primir” al Executivu central “por que cumpla la so  palabra”. Por ello, el Consistoriu colgó n’unu de los sos balcones un contador colos díes que faltaben por qu’expire esti plazu y el númberu de refuxaos que llegaron a España y a les 13:30 hores un gaiteru interpretaba’l cantar de Serrat “Mediterráneu”. El programa incluyía la proyección d’un  vídeu sobre l’actividá d’ACCEM, la llectura del comunicáu oficial al cargu d’una persona abellugada y  la conferencia “Aspeutos transculturales de la salú mental” al cargu de Francisco Collazos Sánchez. Tamién nel Auditoriu pue visitase,  hasta’l día 23 de xunu, la esposición “Persones que se mueven” vencida por Médicu del Mundu.  Y el día 22, n’este mesmu escenariu presentaráse’l cómic “El Resquiebru realizáu por Guillermo Abril y Carlos Spottorno.

Tamién te podria gustar