Portada Sociedá Uviéu vuelve sumase al Festival de la ciencia nos chigres, “Pint of science Asturies 2017”

Uviéu vuelve sumase al Festival de la ciencia nos chigres, “Pint of science Asturies 2017”

by redacción asturnews

La conceyala d’Educación, Merced González, el conceyal d’Economía, Rubén Rosón, y la presidenta de l’Asociación de Divulgación Científica d’Asturies, Teresa Valdés-Solís presentaron ba mañana d’ayeri’l programa, que se va desenvolver los díes 15, 16 y 17 en dos chigres de la capital, de forma simultánea.

La conceyala d’Educación, Merced González; el conceyal d’Economía, Rubén Rosón, y la presidenta de l’Asociación de Divulgación Científica d’Asturies, Teresa Valdés-Solís presentaron ayeri, en dependencies municipales, “Pint of science Asturies 2017″, un programa internacional de divulgación científica nos chigres que se va desenvolver los díes 15, 16 y 17 en dos chigres de la capital, de forma simultánea: nel Chelsea Café Lounge (C/ Argüelles) y nel Café Chigre Máster (C/ Féliz Aramburu). Les charres van empezar a les 19.30 hores y la entrada ye gratuita hasta completar l’aforu.

El conceyal Rosón felicitó a los organizadores por poner en marcha, una nueva edición, d’esti programa “que dexa a tolos vecinos y vecines d’Uviéu ‘apalpar’ la ciencia, la tecnoloxía, la conocencia y el saber”. Tamién destacó’l llabor de l’Asociación de Divulgación Científica d’Asturies p’averar “la divulgación científica a tou aquel que quiera interesa-y”.

La conceyala d’Educación, Merced González, estimó “que la entidá púnxose en contactu col Conceyu d’Uviéu, al traviés de les actividaes de la Universidá Popular, col Club de la Ciencia, con un ésitu que nos sosprendió a nós mesmes. Agora, con esti programa de divulgación científica, toos y toes tenemos la conocencia un pocu más al algame”.

La promotora de “Pint of science Asturies 2017” desglosó el programa de charres que van tener llugar n’Uviéu. Teresa Valdés-Solís destacó la heteroxeneidá de les conferencies. “Dende l’Home de Sidrón’, al cambéu climáticu, pasando pola nanotecnología o les célules madre”, señaló  de la qu’esplicaba qu’esti programa “ta presente en 160 países de cuatro continentes”.

Tamién te podria gustar